Русский
English
Jamg‘arma faoliyatini samarali yo‘lga qo‘yish va muvofiqlashtirish maqsadida “El-yurt umidi” jamg‘armasining Boshqaruv kengashi tashkil etildi;
ochiq stipendiya tanlovlariga asoslangan xorijiy nufuzli oliy ta’lim, ilmiy va boshqa tashkilotlarning bakalavriat, magistratura va doktorantura dasturlari bilan bir qatorda istiqbolli va talab yuqori bo‘lgan mutaxassisliklar bo‘yicha vazirlik, idora, iqtisodiyot tarmoqlarining strategik korxonalari, shuningdek, yetakchi oliy ta’lim muassasalari, tadqiqot va tahliliy markazlari xodimlarining muddati
1 oydan 6 oyga qadar bo‘lgan maqsadli stajirovka o‘tashi dasturi Jamg‘arma asosiy ta’lim dasturlari etib belgilandi;
“El-yurt umidi” jamg‘armasi mablag‘lari orqali xorijiy nufuzli ta’lim, ilmiy va boshqa tashkilotlarining bakalavriat, magistratura va doktorantura dasturlarida ta’lim olish uchun eng munosib nomzodlarni saralash maqsadida O‘zbekiston Respublikasi Prezidentining “El-yurt umidi” stipendiyasi joriy etildi;
Bakalavriat bo‘yicha QS (Quacquarelli Symonds) hamda magistratura va doktorantura bo‘yicha THE (Times Higher Education) xalqaro reyting tashkilotlarining global reytingi natijalariga ko‘ra:
birinchi 100 talikka kiritilgan xorijiy oliy ta’lim va ilmiy-tadqiqot muassasalari ta’lim dasturlariga o‘qish xarajatlari (tuition fee) to‘liq qoplanadigan grant asosida qabul qilingan nomzodlarga
“El-yurt umidi” jamg‘armasi stipendiyalari tanlovlarsiz;
birinchi 300 talikka kiritilgan xorijiy oliy ta’lim va ilmiy-tadqiqot muassasalari ta’lim dasturlariga o‘qish xarajatlari (tuition fee) to‘liq qoplanadigan grant asosida qabul qilingan nomzodlarga xalqaro transport va turar-joy xarajatlari uchun “El-yurt umidi” jamg‘armasi stipendiyalari tanlovlarsiz;
birinchi 20 talikka kiritilgan xorijiy oliy ta’lim muassasalarining bakalavriat ta’lim dasturlariga o‘qish xarajatlari (tuition fee) kamida 50 foiz qoplanadigan grant asosida qabul qilingan Prezident, ijod va ixtisoslashtirilgan maktablari bitiruvchilariga “El-yurt umidi” jamg‘armasi stipendiyalari tanlovlarsiz ajratiladi.
Bakalavriat, magistratura va doktorantura dasturlarida ta’lim olish uchun stipendiya kvotalarini ajratishda STEM (fan, texnologiya, injeneriya va matematika) hamda iqtisodiyotning drayver sohalariga (energetika, transport, urbanizatsiya, arxitektura va qurilish, qishloq va suv xo‘jaligi, geodeziya, yer munosabatlari), shuningdek, davlat boshqaruvi va boshqa dolzarb ijtimoiy (tibbiyot, ta’lim) yo‘nalishlarga maqsadli asosda ustuvorlik beriladi.
“El-yurt umidi” jamg‘armasi ta’lim dasturlarini muvaffaqiyatli tamomlagan stipendiatlar O‘zbekistonning ijtimoiy-iqtisodiy rivojlanishi uchun ustuvor hisoblangan sohalar bo‘yicha yetakchi xalqaro tashkilotlar, xorijiy davlatlar idora va tashkilotlari yoki yirik kompaniyalarida stajirovka o‘tashiga yoki amaliy faoliyat bilan shug‘ullanishiga ruxsat beriladi.
stipendiatlarning xorijda olgan ta’lim to‘g‘risidagi hujjatlari va ilmiy darajalari maxsus sinovlarsiz to‘g‘ridan to‘g‘ri tan olinadi.
stipendiatning asoslantirilgan taklifiga ko‘ra Boshqaruv kengashi tomonidan uning uzluksiz ishlab berish majburiyatini ta’lim, ilmiy-tadqiqotlar va sog‘liqni saqlash tizimlaridagi yoki davlat-xususiy sheriklik sharti asosida tashkil etilgan hamda jamiyat hayotida muhim ijtimoiy-iqtisodiy ahamiyatga ega bo‘lgan xususiy korxonalar va nodavlat tashkilotlarida o‘tashga ruxsat berilishi mumkin.
“El-yurt umidi” jamg‘armasi stipendiatlarini xorijdagi ta’lim va tadqiqot davrida doimiy qo‘llab-quvvatlash bo‘yicha quyidagi tizim joriy etildi:
maxsus onlayn platforma orqali tizimli ravishda stipendiatlar orasida so‘rovnoma o‘tkazish va ularning tashabbuslarini o‘rganish;
ta’lim va tadqiqot tashkilotlari bilan bevosita hamkorlik o‘rnatish orqali stipendiatlarning o‘zlashtirish ko‘rsatkichlari va hamkor tashkilot ma’muriyatining stipendiatlar to‘g‘risidagi fikrlari o‘rganib borish;
stipendiatlarning ta’lim va tadqiqot natijalari hamda muvaffaqiyatlari to‘g‘risida ularning ota-onasi yoki o‘rnini bosuvchi shaxslarni xabardor qilib boriladi.
oliy ta’lim muassasalari bilan hamkorlikda xorijiy mamlakatlarda faoliyat yuritayotgan, Skopus tizimida “Xirsh” indeksi (h-indeks) yuqori bo‘lgan olim, professor-o‘qituvchi va tadqiqotchilarni o‘quv kurs va fanlarni o‘qitish hamda tadqiqotlar olib borish uchun jalb etishga Jamg‘arma ko‘maklashadi.
oliy ta’lim muassasalarining asoslantirilgan takliflari bo‘yicha QS (Quacquarelli Symonds) hamda THE ((Times Higher Education)) xalqaro reyting tashkilotlarining global reytingida eng yuqori 300 talik ro‘yxatiga kiritilgan xorijiy oliy ta’lim muassasalari bilan qo‘shma ta’lim dasturlari, ularning O‘zbekiston hududidagi filiallarini ochish bo‘yicha xarajatlarini hamda xorijiy mamlakatlar yoshlarini milliy oliy ta’lim muassasalarida o‘qishida Jamg‘arma ko‘maklashadi.
stipendiatlarning ota-onasi yoki ularning o‘rnini bosuvchi shaxslar ishtirokida quyidagi masalalar uchun mas’ul bo‘lgan hamda maslahat organi sifatida o‘z faoliyatini jamoatchilik asosida olib boradigan “El-yurt umidi” jamg‘armasi stipendiatlarining ota-onalar kengashi tashkil etiladi.