O‘zbekiston Respublikasi Prezidenti huzuridagi Istiqbolli kadrlarni tayyorlash bo‘yicha “El-yurt umidi” jamg‘armasiBoshqaruv kengashining qarori bilan Ichki audit va komplayens-nazorat xizmati tashkil etilgan.
Mazkur xizmat faoliyati korrupsiyaga qarshi kurashish toʻgʻrisidagi qonunchilik talablari asosida yoʻlga qoʻyilgan boʻlib, oʻz faoliyatini xizmat Oʻzbekiston Respublikasi qonunchiligi, shu jumaladan, korrupsiyaga qarshi kurashish va manfaatlar toʻqnashuvi toʻgʻrisidagi normativ-huquqiy hujjatlar asosida olib boradi.
Ichki audit va komplayens-nazorat xizmati oʻz faoliyatida korrupsiyaga qarshi kurashishning asosiy prinsiplari, yaʼni qonuniylik, fuqarolarning huquqlari, erkinliklari va qonuniy manfaatlari ustuvorligini taʼminlash, ochiqlik va shaffoflik, davlat hamda fuqarolik jamiyatining hamkorligi, korrupsiyaning oldini olishga doir chora-tadbirlar ustuvorligi va javobgarlikning muqarrarligi prinsiplariga amal qiladi.
Xizmatning asosiy vazifalari:
Xodimlar va jamiyatda huquqiy ong va huquqiy madaniyatni oshirish, korrupsiyaga murosasiz munosabatni shakllantirish;
Barcha tarkibiy boʻlinmalarda korrupsiya xavfini oldini olish choralarini joriy etish;
Korrupsiyaga oid huquqbuzarliklarni oʻz vaqtida aniqlash va bartaraf etish;
ISO 37001:2016 xalqaro standartiga muvofiq kompleks tizim ishlab chiqish va faoliyatga tatbiq etish;
Korrupsiyaga qarshi kurashish boʻyicha davlat dasturlari ijrosini taʼminlash.
Mazkur tashabbus Jamgʻarma faoliyatida ochiqlik, shaffoflik, adolat va qonuniylikni taʼminlash hamda yuqori natijadorlikka erishish yoʻlidagi muhim omil hisoblanadi.
Aloqa uchun:
“El-yurt umidi” jamgʻarmasi Ichki audit va komplayens-nazorat xizmati Telefon: +998 93 668 88 55 Elektron pochta: info@eyuf.uz Veb-sayt:www.eyuf.uz
Русский
English
