“Эл-юрт умиди” жамғармаси ва Буюк Британиянинг нуфузли Лондон Университет Коллежи (University College London) ўртасида ҳамкорлик алоқалари ўрнатилди!

Жорий йилнинг 16 август куни “Эл-юрт умиди” жамғармаси ижрочи директор ўринбосари в.б. Ж. Ахмедов, Бўлими бошлиғи М.Шодмонов, Британиянинг нуфузли Лондон Университет Коллежи Халқаро талабалар қабули бўйича директори Нил Грин Micrasoft Teams платформаси орқали учрашув бўлиб ўтди.

Маълумот учун: Лондон Университет Коллежи халқаро тан олинган рейтингларда жумладан, QS рейтингида 9 ўринни эгаллаган. Шу билан бирга, архитектура, таълим, тиббиёт ва фармацевтика фан йўналишлари бўйича QS рейтингида 10 таликка киради. Университет 1826 йилда Жерими Бантон томонидан ташкил этилган. Мазкур университетда 30 та Нобел лауриатлари, ҳамда, Александр Граҳам Белл, Маҳатма Ганди ва Рабиндранат Тагор каби дунёга машҳур давлат арбоблари, ёзувчи ва ихтирочилар  таълим олган. Ҳозирги кунда университетда 43 мингдан ортиқ талаба таҳсил олмоқда, шундан 20 мингдан ортиғи эса халқаро талабалар ҳисобланади.

Университетнинг 2021–2022 йиллардаги йиллик даромади 1,75 миллиард фунт стерлингни ташкил этган, шундан 525 миллион фунт стерлинг тадқиқот грантлари ва шартномалар ҳисобидан. Университет Буюк Британиядаги барча университетлар орасида энг катта жамғармалардан бири ҳисобланади. Russell Group ва Европа тадқиқот университетлари аъзоси.

Учрашув давомида Ж. Ахмедов томонидан нуфузли университетда Жамғарма стипендиатларини таълим олиши учун чегирмалар ажратиш юзасидан таклиф киритди ҳамда университет вакиллари бу таклифни қўллаб қувватлаб, ҳар бир Жамғарма стипендиатининг ўқиш харажатлари учун 10 фоиз миқдорида чегирма ажратиш бўйича келишувга эришилди.

Шунингдек, Жамғарма стипендия танловида иштирок этиш истагида бўлган номзодлари учун университетда ўқиш имкониятлари, ҳужжат топшириш жараёнлари бўйича онлайн вебинар ташкил этишга келишиб олинди.

Шу билан бирга, вазирлик ва идораларнинг мақсадли буюртмаси асосида давлат хизматчиларини мазкур университетда қисқа муддатли малака ошириш ва стажировка ўтишини ташкил бўйича таклифлар муҳокама қилиниб, Жамғарма томонидан республикамиз вазирлик ва идоралари раҳбар кадрлари учун Буюк Британиянинг Лондон Университет Коллежида малака ошириш курсларини ташкил этиш бўйича таклифлар муҳокама қилинди.

Мазкур учрашув якунида жорий йилнинг сентябрь ойи охирга қадар ҳамкорлик алоқаларининг истиқболларини белгиловчи, юқоридаги таклифларни ўз ичига олган меморандум имзолашга келишиб олинди.