Русский
English
Муддати: 2021 йил 16 май
Ўқиш жойи: Университé-Саcлай-Париж Париж, Франция
Université Paris-Saclay 2021-2022 ўқув йилига халқаро талабалар учун магистратура дастурига стипендиялар тақдим этади. Университет чет эллик талабаларга университетнинг магистрлик дастурларига кириш имкониятини яратиш ва иқтидорли талабаларнинг, айниқса, илмий тадқиқотлар олиб боришни ва аспирантурада ўқишни давом эттиришни истаган талабаларнинг олий маълумот олишларига имкон бериш учун стипендиялар тақдим этади.
Стипендиялар танлов асосида Université Paris-Saclay магистрлик дастурларидан бирига ўқишга кирганларга берилади.
Стипендия 2021-2022 ўқув йилида магистратурага ўқишга кирган талабаларга дастурга қараб (М1 ёки М2) 1 ёки 2 ўқув йили давомида тўланади. Париж-Саклай университети инглиз тилида магистрлик дастурларининг чекланган сонини таклиф этади, магистрлик дастурларининг аксарияти француз тилида ўқитилади. Талабалар француз тилини B1 даражасида билишлари керак, аммо сертификат талаб қилинмайди.
Aгар талаба магистратурага ўқишга кирган бўлса, демак, у автоматик равишда стипендия олиш учун ариза топширмоқда. Стипендия номзодлари университет магистрлик дастурига ўқишга кирган барча талабалар орасидан танлаб олинади. Фақатгина стипендия олиш учун электрон почта орқали таклифнома олган талабалар мурожаат қилишлари мумкин. Université Paris-Saclay университетининг барча магистрлик дастурлари стипендия дастурида иштирок этиши мумкин.
Грант миқдори:
1. Стипендия 1 ўқув йили учун йилига 10.000 € тўланади (10 ойдан кўп бўлмаган).
2. Авиачипталар ва виза харажатларини қоплаш учун тахминан 1000 € миқдорида грант ажратилади. Грант миқдори номзоднинг давлатига боғлиқ.
3. Талабалар фақат Парижга келгандан кейин стипендия ва грант олишади. Университет олдиндан тўловларни амалга оширмайди.
Талаблар:
• стипендияларни Université Paris-Saclay университетининг магистратура дастурига биринчи бўлиб ўқишга кирган чет эллик талабалар олишлари мумкин;
• номзодлар 30 ёшдан катта бўлмаган бўлиши керак;
• стипендияларни Францияда 1 йилдан кам вақт давомида яшовчи чет эл фуқаролари, курсларга ёзилган талабалар олишлари мумкин, шундан сўнг улар илмий даражага эга бўлмайди;
• Францияда амалиёт ўтаган ёки талабалар алмашинуви дастури асосида ўқиган талабалар.
Грантни қуйидагилар олиш мумкин эмас:
• Францияда истиқомат қилувчи номзодлар;
• ўқишни 2 йилдан ортиқ вақтга тўхтатиб қўйган номзодлар;
• агар стипендия миқдори ойига 600 евродан ошса, бошқа стипендия оладиган талабалар.
Сиз дастурларни ва ҳужжатларни топшириш саналарини кўришингиз мумкин: https://www.universite-paris-saclay.fr/en/education/master
Жамғарма Ахборот хизмати