Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi onkologiya jarrohligi yoʻnalishida qisqa muddatli xalqaro stajirovka tanlovini eʼlon qiladi!

“El-yurt umidi” jamgʻarmasi tomonidan xorijiy tashkilotlar ishtirokida amalga oshiriladigan stajirovkalarni tashkil etish tartibi toʻgʻrisida Nizomga asosan Fransiyaning Oʻzbekistondagi elchixonasi bilan hamkorlikda onkologiya jarrohligi yoʻnalishida xalqaro stajirovka dasturi uchun Jamgʻarmaning tanlovini eʼlon qiladi.

Mazkur stajirovka Fransiyaning Milliy jarrohlik akademiyasi (The National Academy of Surgery)da tashkil etilib, Fransiyaning Parij va Strasburg shaharlarida joriy yilning 8-martidan 10-apreliga qadar davom etadi.

“El-yurt umidi” jamgʻarmasining qisqa muddatli onkologiya jarrohligi boʻyicha xalqaro stajirovka tanlovi uchun jami 5 ta oʻrin ajratilgan.

Hujjatlar Jamgʻarmaning onlayn hujjat topshirish platformasi https://el-yurt.uz orqali 18-fevralga qadar (shu kuni ham 18:00 gacha) qabul qilinadi.

Nomzodlar belgilangan muddatga qadar platforma orqali tegishli hujjatlarni yuborib, tanlovda qatnashishlari mumkin.

Nomzodlarga qoʻyiladigan asosiy talablar:
– Mutaxassisligi boʻyicha oliy maʼlumotga egaligini tasdiqlovchi hujjat;
– Stajirovkadan keyingi 2 yil uchun ish rejasi (yoʻl xaritasi);
– Tashkilot rahbarining tavsiyanomasi;
– onkologiya sohasi boʻyicha kamida 2 yillik ish tajribasiga ega boʻlish, shu jumladan, oxirgi 12 oy davomida ushbu sohada ishlash;

Murojaat uchun: @eyufadmissionbot