Tanlov komissiyasi ayrim nomzodlarga suhbat bosqichida ishtirok etish sanasi va shaklini oʻzgartirishga ruxsat berdi

“El-yurt umidi” jamgʻarmasining 2025-yil 2-ochiq stipendiya tanlovi doirasida suhbat bosqichida ishtirok etish sanasi va shaklini oʻzgartirish boʻyicha nomzodlarning murojaatlari (7-dekabr 18:00 ga qadar kelib tushgan) belgilangan tartibda Tanlov komissiyasi tomonidan koʻrib chiqildi va asoslantirilgan murojaatlar qanoatlantirildi.

Suhbat bosqichida ishtirok etish sanasi va formati oʻzgartirilgan nomzodlar roʻyxati bilan quyidagi HAVOLA orqali tanishishingiz mumkin.

Suhbat uchun belgilangan kunga kelmagan (onlayn kirmagan) nomzodlar “suhbatdan o‘tmadi” deb e’tirof etiladi.

Suhbat jarayonlari OFLAYN shaklida O‘zbekiston Respublikasi Prezidenti huzuridagi Davlat siyosati va boshqaruvi akademiyasi binosida o‘tkaziladi.