“El-yurt umidi” jamg‘armasining 2025-yilgi 1-ochiq stipendiya tanlovi suhbat bosqichiga tavsiya etilgan nomzodlar diqqatiga!

“El-yurt umidi” jamg‘armasining 2025-yil 1-ochiq stipendiya tanlovi doirasida Tanlov komissiyasining qaroriga ko‘ra, suhbat bosqichi joriy yilning 9–28-iyul kunlari tasdiqlangan jadval asosida o‘tkazilishi belgilandi.

Mazkur bosqichga tavsiya etilgan nomzodlar va ularning suhbat kunlari ro‘yxati hamda vaqtlari bilan ushbu HAVOLA orqali tanishishingiz mumkin.

Nomzodlardan suhbat jarayoniga shaxsni tasdiqlovchi hujjat (pasport yoki ID-karta) bilan belgilangan vaqtda yetib kelishlari so‘raladi.

Bugungi kunda ish yoki o‘qish maqsadida xorijda bo‘lib turgan nomzodlar suhbat bosqichida ONLAYN shaklda ishtirok etishlari mumkin. Buning uchun ular F.I.Sh. va xorijda ekanligini tasdiqlovchi hujjatni ilova qilgan holda, onlaynsuhbat@eyuf.uz elektron manziliga 7-iyul soat 23:59 ga qadar murojaat yuborishlari lozim.

O‘zbekiston hududida bo‘lgan nomzodlar suhbatda faqat OFLAYN shaklda ishtirok etishlari shart.

Suhbat “El-yurt umidi” jamg‘armasining istiqbolli kadrlarni xorijda maqsadli tayyorlashga qaratilgan ta’lim dasturlari bo‘yicha ochiq stipendiya tanlovini o‘tkazish tartibi to‘g‘risida NIZOM hamda BAHOLASH USLUBIYOTI VA QOIDALARIga muvofiq o'tkaziladi.

Suhbat uchun belgilangan kunga kelmagan nomzodlar “suhbatdan o‘tmadi” deb e’tirof etiladi.

Suhbat jarayonlari O‘zbekiston Respublikasi Prezidenti huzuridagi Davlat siyosati va boshqaruvi akademiyasi binosida o‘tkaziladi.

Suhbat vaqti o‘zgarishi ehtimolini inobatga olgan holda, belgilangan kunning to‘liq qismini suhbat jarayoniga ajratishingiz tavsiya etiladi.