Русский
English
2025-yilning 12-fevral kuni “El-yurt umidi” jamg‘armasi rahbariyati va Janubiy Koreyaning Sungkyunkwan universiteti xalqaro talabalar qabuli bo‘yicha direktori Dokyung Kim hamda Xalqaro talabalar qabuli bo‘yicha menejer So-young Lee o‘rtasida hamkorlik aloqalarini o‘rnatish yuzasidan onlayn uchrashuv bo‘lib o‘tdi.
Maʼlumot uchun: Sungkyunkwan universiteti (SKKU) Janubiy Koreyaning Seul va Suvon shahridagi xususiy tadqiqot universitetidir .Universitet o‘zining kelib chiqishini 1398-yilda Seul markazida tashkil etilgan tarixiy Sungkyunkvanga bog‘laydi. U Choson sulolasining eng ilg‘or ta'lim muassasasi bo‘lgan va davlat tomonidan boshqarilgan.
19-asr oxirida universitet sifatida qayta tuzilgan.
JoongAng Daily milliy gazetasi tomonidan har yili chop etiladigan Janubiy Koreya universitetlari reytingiga ko‘ra, Sungkyunkwan universiteti Janubiy Koreyada Seul milliy universiteti va Yonsei universitetidan keyin uchinchi o‘rinda turadi. Bir necha yil davomida US News hamda World Report jurnaliga ko‘ra Sungkyunkwan universiteti mamlakatda ikkinchi o‘rinni egallagan.
Xalqaro tan olingan reytinglarda jumladan, 2025 йилда (QS) 123-oʻrinda, Times Higher Education-2025 jahon universitetlari reytingida 102-o‘rinni egallaydi.
Sungkyunkwan universiteti dunyoda aktual bo‘lgan ko‘plab sohalarni taklif etadi:
- Muhandislik va texnologiya;
- Tibbiyot va Sog‘liqni saqlash;
- San’at va dizayn
- Biznes va Iqtisodiyot
- Ijtimoiy fanlar va Huquq
Uchrashuv davomida Jamg‘arma ijrochi direktor o‘rinbosari v.b Javohir Axmedov tomonidan o‘zbek yoshlarining yetakchi xorijiy universitetlarda ta’lim olishi va ilmiy-tadqiqot faoliyati uchun yaratilgan shart-sharoitlar, Jamg‘armaning ta’lim dasturlari bo‘yicha mutaxassislarni xorijdagi nufuzli universitetlarda jumladan, Janubiy Koreyaning universitetlarida ta’lim olishi yuzasidan hamkorlikni kengaytirish, shuningdek, Jamg‘arma stipendiatlariga barcha dasturlar bo‘yicha ma’lum miqdorda grant ajratish yuzasidan takliflar ilgari surildi.
Jamg‘arma faoliyatini takomillashtirish hamda xorijda ta’lim olayotgan mutaxassisliklari bo‘yicha mamlakatimizni yanada rivojlantirish yuzasidan takliflarini o‘rganish va amaliyotga joriy qilishga ko‘maklashish, ularni o‘qishlarini tugatib qaytganlaridan so‘ng vazirliklar tizimida mehnat faoliyatini olib borishni tashkil etish ko‘zda tutilgan.
O‘tkazilgan muzokaralar chog‘ida Jamg‘arma orqali universitetda ta’lim olishni rejalashtirayotgan har bir stipendiatlarning o‘qish xarajatlaridan 50 foiz chegirmalar ajratish imkoniyatlari bo‘yicha takliflar kiritildi. Ushbu taklifga javoban Dokyung Kim Sungkyunkwan universiteti Jamg‘arma stipendiatlari uchun so‘ralgan chegirmalarni ajratishga tayyor ekanligini va bu o‘zaro aloqalarni yanada mustahkamlashga xizmat qilishini ta’kidladi.
Shuningdek, Dokyung Kim tomonidan Songyungvan universitetida O‘zbek talabalarni ko‘rishdan xursand bo‘lishini bildirib, o‘z takliflarini bildirdi!
Shu bilan birga, vazirlik va idoralarning maqsadli buyurtmasi asosida davlat xizmatchilarini Songyungvan universitetida qisqa muddatli malaka oshirish va stajirovka o‘tishini tashkil bo‘yicha takliflar muhokama qilindi. O‘z o‘rnida mazkur takliflar Dokyung Kim tomonidan qo‘llab quvvatlanib, mazkur yo‘nalishlarda hamkorlik aloqalarini o‘rnatishga kelishib olindi.
Uchrashuv davomida, Dokyung Kim bugungi kunda O‘zbekiston va Janubiy Koreya o‘rtasidagi har tomonlama aloqalarining ijobiy rivoj topayotganligini ta’kidlab, berilgan takliflar yuzasidan Jamg‘arma bilan hamkorlikda ishlashga tayyorligini ma’lum qildi.
Mazkur uchrashuv yakuni bo‘yicha tomonlar hamkorlik aloqalarini istiqbolini belgilovchi yuqoridagi takliflarni o‘z ichiga olgan ikki tomonlama memorandumni yaqin kunlar ichida imzolashga va har bir stipendiatning o‘quv to‘lovlaridan 50 foiz chegirmalar ajratishga kelishib oldilar.
EYUF axborot xizmati