Русский
English
Joriy yilning 18-yanvar kuni Raqamli texnologiyalar Vaziri o‘rinbosari Rustam Karimjonov va vazirlik delegatsiyasining Amerika Qo‘shma Shtatlariga tashrifi davomida ushbu davlatda tahsil olayotgan “El-yurt umidi” jamg‘armasi stipendiatlari hamda o‘zbekistonlik talaba yoshlar bilan uchrashadi.
Uchrashuv Oʻzbekistonda IT sohasidagi imkoniyatlar va kelajakdagi strategik rejalar haqida xabardor qilish hamda startap loyihalarni har tomonlama qoʻllab-quvvatlash mavzusida oʻtkaziladi.
Ushbu uchrashuvda “El-yurt umidi” jamg‘armasi stipendiatlari hamda Jamg‘arma rahbariyati onlayn va oflayn tarzda ishtirok etishdi.
O‘zbekistonning AQSHdagi elchixonasida bo‘lib o‘tgan uchrashuv davomida zamonaviy texnologiyalar, startaplar, hamda “Aqlli shahar” loyihalari haqida qiziqarli suhbatlar bo‘lib o‘tdi. Yoshlar o‘z fikr-mulohazalari bilan bo‘lishib, texnologik loyihalarni rivojlantirish bo‘yicha takliflarini bildirishdi hamda Stipendiatlarni innovatsiyalar va startaplar sohasida faol bo‘lish ta’kidlandi.
Ma’lumot uchun: Loyihaning asosiy maqsadi xorijiy vatandosh ekspertlar va xorijda ta’lim olayotgan yoshlarni O‘zbekistondagi yoshlar bilan integratsiya qilish orqali ularning raqamli texnologiyalar sohasiga yoshlarni keng jalb etish. Bu orqali O‘zbekistonda yoshlarning IT sohasida innovatsion salohiyatini oshirish, xalqaro tajribalarni o‘zlashtirish va yangi imkoniyatlar yaratishdir.
Shuningdek, AQSHda ta’lim olayotgan “El-yurt umidi” jamg‘armasi stipendiatlarini ammasador faoliyatlarini yo‘lga qo‘yish orqali Raqamli texnologiyalar vazirligi tomonidan olib borilayotgan loyihalariga professional maslahatlar bilan ko‘maklashish, ilmiy tahlil asosida yondashuvlarni kuchaytirish, xorijda O‘zbekistonning IT sohasidagi imkoniyatlar va xorij kompaniyalar uchun imtiyozlar haqida targ’ibot ishlarini amalga oshirish va O‘zbekistonlik yoshlarni IT sohasiga keng jalb etish maqsad qilingan.
Bundan tashqari, “El-yurt umidi” jamg’armasi stipendiantlari uchun Raqamli texnologiyalar vazirligi va tizim tashkilotlarda amaliyot dasturlarini joriy etish ham ko‘zda tutilgan.
Ushbu tadbir O‘zbekistonning kelajakdagi texnologik rivoji uchun muhim qadamdir va yosh avlodning bu boradagi roli beqiyosligini alohida ta’kidlash zarur.
Uchrashuv davomida Jamg‘arma ijrochi direktor o‘rinbosari v.b Javohir Axmedov tomonidan bunday uchrashuvlarni nafaqat AQSHda, balki Yevropa va Osiyo mamlakatlarida o‘qiyotgan Jamg‘arma stipendiatlari bilan ham tashkil qilish takliflar ilgari surildi.
Bu kabi uchrashuvlar talabalar uchun yangi imkoniyatlar eshigini ochadi va ularni kelajakdagi muvaffaqiyatlarga ilhomlantiradi hamda yangidan-yangi startap loyihalarni yaratishga turtki bo‘ladi.