“El-yurt umidi” jamg‘armasi va Fransiyaning “Epitech” kompyuter fanlari sohasida mutaxassislarni tayyorlovchi xususiy oliy maktabi o‘rtasida Zoom platformasi orqali hamkorlik masalalari yuzasidan onlayn muloqot bo‘lib o‘tdi!

Joriy yilning 10-yanvar kuni “El-yurt umidi” jamg‘armasi rahbariyati hamda Fransiyaning “Epitech” kompyuter fanlari sohasida mutaxassislarni tayyorlovchi xususiy oliy maktabi xalqaro aloqalar bo‘limi direktori Camille Toussaint o‘rtasida hamkorlik masalalari yuzasidan onlayn muloqot bo‘lib o‘tdi.

Ushbu uchrashuv, O‘zbekistonning Fransiyadagi elchixonasi ko‘magidan tashkil etildi va Parijdagi yurtimizning diplomatik vakillari ham ishtirok etdi. O‘zbekistonning Fransiyadagi elchixonasi ham Jamg‘arma bilan muntazam ravishda hamkorlik qilib, dunyoning eng ilg‘or oliygohlari bilan uchrashuvlar tashkil qilib kelmoqda.

Ma’lumot uchun Parijdagi raqamli innovatsiyalar oliy maktabi (fransuzcha: École pour l'informatique et les nouvelles texnologiyalari yoki EPITECH), ilgari Yevropa axborot texnologiyalari instituti siafatida 1999-yilda tashkil etilgan kompyuter fanlari va dasturiy injiniring boʻyicha xususiy oliy taʼlim muassasasi hisoblanadi.

Epitech, kompyuter fanlari bo‘yicha ijrochi menejerlarga mo‘ljallangan IT va tadbirkorlik bo‘yicha Executive MBA darajasiga ega bo‘lgan Epitech Executive boshqaruv yo‘nalishiga ega.

Uchrashuvning asosiy maqsadi, dasturiy muhandislik va dasturiy ta’minotni ishlab chiqish, sun’iy intellektni amalda qo‘llash, kiberxavfsizlik, ma’lumotlar bazasi muhandisligi, operatsion tizimlar administratori va malakali muhandislik yo‘nalishlarida O‘zbekistonlik mutaxassislar uchun qisqa muddatli kurslarni tashkil etish va mazkur dasturlarni gibrid shaklda o‘tkazish va “EPITECH” mutaxassislarini O‘zbekistonga mahorat darslarini o‘tkazish masalalari bo‘ldi.

Uchrashuv davomida Jamg‘arma ijrochi direktor o‘rinbosari v.b Javohir Axmedov tomonidan mamlakatimizda kadrlar tayyorlash tizimini isloh qilishga qaratilgan chora-tadbirlar, o‘zbek yoshlarining yetakchi xorijiy universitetlarda ta’lim olishi va ilmiy-tadqiqot faoliyati uchun yaratilgan shart-sharoitlar, Jamg‘armaning ta’lim dasturlari bo‘yicha mutaxassislarni xorijdagi nufuzli universitetlarda jumladan, Fransiyaning “Epitech” kompyuter fanlari sohasida mutaxassislarni tayyorlovchi xususiy oliy maktabida ta’lim olishi yuzasidan hamkorlikni kengaytirish, shuningdek, Jamg‘arma stipendiatlariga barcha dasturlar bo‘yicha ma’lum miqdorda grant ajratish yuzasidan takliflar ilgari surildi.

Epitech” kompyuter fanlari sohasida mutaxassislarni tayyorlovchi xususiy oliy maktabi va Jamg‘arma hamkorligida O‘zbekiston yoshlari uchun mazkur universitetda ta’lim olish imkoniyatlariga bag‘ishlangan vebinar tashkil etish taklif qilindi.

Barcha takliflar Fransiyaning “Epitech” kompyuter fanlari sohasida mutaxassislarni tayyorlovchi xususiy oliy maktabi xalqaro aloqalar bo‘limi direktori Camille Toussaint tomonidan ma’qullandi va 2025-yilning yanvar oyidan boshlab barcha “El-yurt umidi” jamg‘armasi stipendiatlarining o‘qish xarajatlaridan 10 foizlik chegirma ajratilishini ma’lum qildi.

Mazkur uchrashuvlar yakunida hamkorlik aloqalarining istiqbollarini belgilovchi, yuqoridagi takliflarni o‘z ichiga olgan ikki tomonlama qo‘shimcha kelishuv imzolashga kelishib olindi.