O‘zbekiston Respublikasi Prezidenti huzuridagi Davlat boshqaruvi akademiyasida "El-yurt umidi" jamg'armasi stipendiatlari: Yangi O'zbekiston istiqboli uchun birlashamiz nomli seminar bo’lib o’tmoqda.

Bugun O‘zbekiston Respublikasi Prezidenti huzuridagi Davlat boshqaruvi akademiyasida "El-yurt umidi" jamg'armasining rivojlangan mamlakatlarning xorijiy universitetlarida o'qib, hozirda ta'tilga qaytgan stipendiatlari uchun, ""El-yurt umidi" jamg'armasi stipendiatlari: Yangi O'zbekiston istiqboli uchun birlashamiz" nomli seminari bo'lib o'tdi.

Seminarni tashkil etishdan maqsad,  "El-yurt umidi" jamg'armasi stipendiatlariga vatanga sadoqat, o'zbek milliy qadriyatlariga hurmat, g'oyaviy-siyosiy va vatanparvarlik ruhida tarbiyalash hamda Yangi O'zbekiston yoshlariga oid davlat siyosati mohiyati va maqsadini tushuntirishdan iborat.

Seminarni hozirda xizmat safarida bo’lgan Jamg’arma ichrochi direktori, Professor Bekmurodov Adham Sharipovich onlayn tarzda ochib berdi va stipendiatlarga kelgusidagi o’qishlariga omad va zafarlar tiladi.

Kunning birinchi qismidagi seminarlarni, Davlat xizmatini rivojlantirish agentligi direktorining birinchi o‘rinbosari Musayev Amirtemirxon Fatixovich, O‘zbekiston davlat Jahon tillari universiteti kafedra mudiri, siyosiy fanlar doktori, professor Jo’rayev Narzullo Kosimovich, “Taraqqiyot strategiyasi” markazi bo’lim boshligi Farrux Hakimov hamda “El-yurt umidi” jamg’armasi ijrochi direktor o’rinbosari v.b Axmedov Javohir Jamolovichlar o’tib berishdi.

Ma'lumot uchun: Jamg'armaning rivojlangan mamlakatlarning xorijiy universitetlarida o'qib qaytgan va hozirda vazirlik-idoralarda amaliyot o'tayotgan stipendiatlaridan 200 nafari ushbu seminarda ishtirok etmoqda.

Seminar qiziqarli va munozaralarga boy tarzda o’tdi va yoshlar o’zlarini qiziqtirgan savollarga ma’ruzachilar tomonidan javoblar olishdi.

Ushbu seminarlar davomida, kunning ikkinchi qismida Stipendiatlar Qatag’on qurbonlari xotirasi muzeyiga borib, buyuk ajdodlarimizni xotirlashdi va ularga munosib davomchilar bo‘lishni o‘z oldilariga maqsad qilib olishdi.

Eslatib o‘tamiz ushbu o‘quv seminarlari 2024-yilning, 26-27-28 iyun kunlari O‘zbekiston Respublikasi Prezidenti huzuridagi Davlat boshqaruv akademiyasida bo‘lib o‘tadi.