“Эл-юрт умиди” жамғармаси ва Гонг Конгнинг Фан ва технологиялар университети ўртасида ҳамкорлик алоқалари ўрнатилди!

2024 йилнинг 24 июнь куни “Эл-юрт умиди” жамғармасида Ижрочи директор ўринбосари в.б. Жавохир Ахмедов ва Жамғарма бўлим бошлиқлари, Гонг Конгнинг Фан ва технологиялар университети Халқаро талабалар қабул қилиш вакилалари Кристал Лиу ҳамда Бетсй Ли ўртасида онлайн учрашув бўлиб ўтди.

Маълумот учун: Гонг Конгнинг Фан ва технологиялар университети QS-47 ўринни эгаллаган. Гонконг фан ва технологиялар университети (HKUST) 1991 йил ташкил этилган. 2022-2023 йил учун HKUST-10,500 бакалавр ва 7000 аспирантни қабул қилди, уларнинг 40% дан ортиғи (2000 бакалавр ва 5000 аспирант) маҳаллий бўлмаган талабалардир. Университетда 4 та мактаблар бор: улар, (Science, Engineering, Biznes & Management, Gumanitilar va Ijtimoiy fanlar. Бу университетда ҳозирги кунда 1 нафар Жамғарма стипендиати таҳсил олмоқда. HKSUTда 47 та йўналишб бўлиб, ресеарчга жуда катта эътибор қаратган. Data Science va Artificial Intelligence соҳасида дунё бўйича топ 10 таликка киради. Бундан ташқари университетнинг Бизнес мактаби "Global EMBA" бўйича 12 маротаба дунёда энг яхшиси деб топилган.

Учрашувдан кўзланган мақсад – “Эл-юрт умиди” жамғармаси ва Гонг Конгнинг Фан ва технологиялар университети билан таълим олишни ташкил этиш ва ўқув тўловларидан чегирмалар олиш масалаларидан иборат.

Шунингдек, 2023 йилги 2-очиқ стипендия танловида ғолиб бўлган Жамғарма стипендиатларини Гонг Конгнинг Фан ва технологиялар университетига ўқишга юборишни ташкил этиш ҳамда давлат хизматчилари учун ушбу университетда стажировка ўташ масалалари ҳам кўриб чиқилди.

Шунингдек, Жавохир Ахмедов томонидан 2024 йилда ўқишни режалаштираётган номзодлар учун  “Фан ва технологиялар университетида таълим олиш имкониятлари ҳақида” вебинар ташкил этишни таклиф этди
ва ушбу таклиф хорижий университет томонидан қўллаб-қувватланди.

Бундан ташқари, Жавохир Аҳмедов томонидан Фан ва технологиялар университети вакиласи Бетсй Лига давлат хизматчилари учун қисқа муддатли стажировка дастуридан кўзланган мақсадлар, натижалар ҳамда тарифлар юзасидан маълумотлар тақдим этишнини эслатиб ўтди. Ушбу таклиф Кристал Лиу томонидан қўллаб-қувватланилди ва яқин кунлар ичида университет таклифларини ўз ичига олган маълумот тақдим этилишини билдириб ўтди.

Мазкур учрашув якунида яқин вақт ичида ҳамкорлик алоқаларининг истиқболларини белгиловчи, юқоридаги таклифларни ўз ичига олган меморандум имзолашга келишиб олинди.