“Эл-юрт умиди” жамғармаси стипендиатларининг Ўзбекистон Республикаси Рақамли технология вазирлиги раҳбарияти билан очиқ мулоқоти бўлиб ўтди!

Жорий йилнинг 24 июнъ куни соат Ўзбекистон Республикаси Рақамли технология вазири ўринбосари Рустам Каримжонов ривожланган мамлакатларнинг ТОП 300 талик университетларида таҳсил олаётган "Эл-юрт умиди" жамғармаси стипендиатлари билан "Рақамли дунё" номли очиқ мулоқоти бўлиб ўтди.

Учрашувдан кўзланган мақсад: Стипендиатларнинг республика вазирлик ва идоралари раҳбарлари билан хорижда таълим олаётган стипендиатлар ўртасида тўғридан-тўғри мулоқот ўрнатиш ҳамда келажакдаги режалари билан ўртоқлашишдан иборат.

Ушбу учрашувда вазир ўринбосари Рустам Каримжонов Жамғарма ижрочи директор ўринбосари в.б. Жавоҳир Ахмедов ва Жамғарма бўлим бошлиқлари ҳамда стипендиатлари иштирок этди.

Учрашувда 200 нафарга яқин Жамғарма стипендиатлари иштирок этиб, ўз фикр ва ташаббусларини билдиришди.

Учрашувда иштирок этган Рустам Каримжонов барча стипендиатларни истиқболли таклиф ва режаларни ҳар доим қўллаб қувватлашга тайёр эканлигини маълум қилдилар. Шунингдек, хорижий билим ва тажрибага эга бўлган Жамғарма стипендиатларини вазирлик тизимидаги ташкилотларига ишга қабул қилишга тайёр эканликларини билдиришди.

Шунингдек, вазир ўринбосар “Киберхавфсизлик” бўйича Жамғарма стипендиатлари томонидан таклиф этилган лойиҳани билан танишиб чиқиш ва бу муаммолар бўйича ўз таклифларини беришини билдириб ўтди.

Стипендиатлар таътил вақтида мамлакатимизга қайтганларида уларни мазкур вазирликда амалиёт ўташлари бўйича таклифларига вазирлик раҳбарияти шароитлар яратиб беришга тайёрлигини маълум қилди.

Шу билан бирга, учрашув давомида мазкур вазирликдан хорижда таълим олаётган Жамғарма стипендиатлари билан доимий мулоқотда бўладиган вакиллар бириктирилишига келишиб олинди.

Онлайн учрашув жараёни қизғин савол жавобларга бой тарзда ўтказилиб, 30 дан ортиқ таклифлар берилди.

Вазирликнинг барча раҳбар ходимлари билан Жамғарма стипендиатлари ўртасида тўғридан-тўғри мулоқот қилиш имконияти яратилиб, ҳамкорликда лойиҳалар амалга оширишга келишиб олинди.

Очиқ мулоқот Ўзбекистон Республикаси Рақамли технология вазирлиги ва "Эл-юрт умиди" жамғармаси ҳамкорлигида ташкил этилди.