Oliy ta'lim muassasalarining iqtidorli talabalari, magistrantlar, tayanch doktorantlar, mustaqil izlanuvchilar hamda yosh olimlar uchun vebinar tashkil etildi!

Joriy yilning 7-may kunlari Oʻzbekiston Respublikasi Toshkent shahar Ilgʻor tadqiqotlar ilmiy markazi tashabbusi bilan Oliy ta'lim muassasalarining iqtidorli talabalari, magistrantlar, tayanch doktorantlar, mustaqil izlanuvchilar hamda yosh olimlar uchun ilmiy tadqiqot faoliyatini samarali tashkil etish masalalariga bag'ishlangan “Academic webinar” o‘tkazildi.

Mazkur vebinar O‘zbekiston Respublikasi Prezidentining 2020-yil 29-oktabrdagi PF-6097-sonli “Ilm-fanni 2030-yilgacha rivojlantirish konsepsiyasini tasdiqlash to‘g‘risida”gi Farmonida belgilangan vazifalar ijrosini ta’minlash hamda ilmiy izlanuvchilar uchun tadqiqot amaliyotiga ilmiy-nazariy va metodologik jihatdan ko‘maklashish maqsadida tashkil qilinmoqda.

Masofaviy tarzda tashkil etilgan ushbu vebinarda “El-yurt umidi” jamg‘armasi ijrochi direktor o'rinbosari, iqtisodiyot fanlari bo'yicha falsafa doktori, Ahmedov Javohir Jamolovich tomonidan tinglovchilarga “El-yurt umidi” jamg'armasi orqali xalqaro ta'lim dasturlarida tahsil olish imkoniyatlari bo‘yicha  taqdimot qilindi.

Ushbu vebinarda yurtimizning turli nuqtalaridan, 2000 nafarga yaqin magistrantlar, tayanch doktorantlar, mustaqil izlanuvchilar hamda yosh olimlar va Jamg‘arma faoliyatiga qiziquvchi yurtdoshlarimiz ishtirok etishdi.

Ilmiy tadqiqot faoliyatini samarali tashkil etish masalalariga bag‘ishlangan “Academic webinar” dasturi davomidagi sessiyalar qizg‘in davom etmoqda va unda 450 dan ortiq ilmiy tadqiqotchilar faol ishtirok etmoqda.