“El-yurt umidi” jamg‘armasi rahbariyati dunyo reytinglarida yuqori o‘rinni egallagan Buyuk Britaniyaning “University of Sussex” bilan hamkorlik aloqalarini o‘rnatmoqda!

Joriy yilning 26-aprel kuni “El-yurt umidi” jamg‘armasi ijrochi direktor o‘rinbosari v.b. J.Axmedov, bo’lim boshliqlari hamda Buyuk Britaniyaning “University of Sussex” universitetining, Xalqaro aloqalar bo‘limi boshlig’I Rebecca Jermy o‘rtasida onlayn muloqot bo‘lib o‘tdi.

Ma’lumot uchun: Sasseks universiteti Angliyada joylashgan davlat tadqiqot universiteti bo‘lib, uning katta kampus maydoni Sout Dovns milliy bog‘i bilan o‘ralgan. Universitetda qariyb 20 000 dan ortiq talaba tahsil olib, ularning uchdan biri xorijiy mamlakatlardan kelgan talabalardir. Universitetda 1000 dan ortiq akademiklar ta’lim berishadi va ularning 140 dan ortiq turli millat vakillari hisoblanadi.

Universitet professor-o‘qituvchilari orasida 5 Nobel mukofoti laureati, 15 Qirollik jamiyati a’zosi, Britaniya akademiyasining 10 nafar a’zosi, Ijtimoiy fanlar akademiyasining 24 nafar a’zosi mavjud. Universitet bitiruvchilari orasidan davlat rahbarlari, diplomatlar, siyosatchilar, taniqli olimlar yetishib chiqqan. Universitet dunyo reytingida (World University Rankings THE) 151 o‘rinni egallagan.

Bo‘lib o‘tgan mazkur uchrashuvda tomonlar kelgusidagi hamkorlikning istiqbollari, kelajakda Jamg‘arma stipendiatlarining ushbu universitetida ta’lim olish imkoniyatlari masalasi muhokama qilindi.

Hozirgi kunda ushbu universitetda Jamg‘armaning 7 nafar stipendiati ta’lim olib kelmoqda.

Uchrashuv yakunida tomonlar hamkorlik aloqalarini istiqbollarini muhokama qilgan holda joriy yildan boshlab Jamg‘armaning barcha ta’lim dasturlari asosida ta’lim oladigan stipendiatlarning har birining o‘qish xarajatlari uchun 20% dan chegirmalar berish yuzasidan kelishuvga erishildi.

Uchrashv yakunida Jamg‘arma va Sasseks universiteti vakillari hamkorlikda tashriflar amalga oshirishga va ikki tomonlama hamkorlikni o‘z ichiga olgan memorandum imzolashga kelishib olishdi.