“Эл-юрт умиди” жамғармаси ва Хитой Халқ Республикасининг Жанубий “China Southern Power Grid International” компанияси ўртасида стажировка соҳасида ҳамкорлик алоқалари ўрнатилмоқда!

2024 йилнинг 8 апрель куни Ўзбекистон Республикасининг Хитой Халқ Республикасидаги элчихонаси ташаббуси билан “Эл-юрт умиди” жамғармасида ижрочи директор ўринбосари в.б. Жавоҳир Aхмедов, Жамғарма бўлим бошлиқлари ҳамда Хитой Халқ Республикасининг “China Southern Power Grid International” компаниясининг Марказий Осиё бўйича лойиҳаларни амалга ошириш бўйича бўлим бошлиғи Жианг Денгфенг ва Компаниянинг Ўзбекистондаги вакили Яо Шинлонглар ўртасида ҳамкорликда энергетика соҳасида стажировка дастурларини ташкил этиш бўйича ҳамкорликдаги лойиҳаларни  ташкил этиш юзасидан учрашув бўлиб ўтди.

Мазкур компания энергетика соҳаси бўйича дунёнинг 500 та энг нуфузли компаниялари рўйхатида 83 ўринни эгаллаган. Шунингдек, Хитойнинг жанубий вилоятларининг электр тармоқларига сармоя киритишда иштирок этади ҳамда Гонконг ва Макао ҳудудларини электр энергияси билан таъминлайди.

Мазкур учрашувда, Жамғарма ва Хитойнинг Жанубий электр тармоғи компанияси ўртасида давлат хизматчилари учун стажировка дастури масаласи батафсил муҳокама қилинди. Хусусан, ушбу стажировка дастурида барча вазирлик идораларни бошқарувчи категориялардаги номзодлар иштироки ҳақида тўлиқ маълумот берилди.

Учрашувда Жавоҳир Aхмедов ушбу стажировка дастури, унинг таркибий қисмлари ва мазмун-моҳиятини ҳақида маълумотлар бериб ўтди.

Учрашувда “China Southern Power Grid International” компаниясининг замонавий ўқув лабораториялари, электр энергия ишлаб чиқариш иншоотлари, яшил энергия тизимларини замонавий  бошқарув марказлари шунингдек, соҳа бўйича тегишли олий таълим муассасалари билан ҳамкорликда стажировка дастурини ташкил қилиш имкониятлари муҳокама қилинди.

Шунингдек, учрашув якунида Жамғарма ва “China Southern Power Grid International” компанияси ўртасида ўзаро икки томонлама ҳамкорликни назарда тутувчи меморандум лойиҳасини имзолаш келгусида режалаштирилмоқда.