Русский
English
2024 йилнинг 13 февраль куни “Эл-юрт умиди” жамғармасида Жамғарма ижрочи директор ўринбосари в.б. Жавохир Ахмедов ва Жамғарма бўлим бошлиқлари ҳамда Лидс университети Халқаро алоқалар бўйича минтақавий менежер Стюарт Ходгсон билан учрашув бўлиб ўтди.
Маълумот учун: Лидс университети Лидсдаги давлат тадқиқот университети бўлиб, 1874 йилда Ёркшире фан коллежи сифатида ташкил этилган. У 1884 йилда у Лидс тиббиёт мактаби билан бирлаштирилди ва Ёркшире коллежи деб ўзгартирилди. У 1887 йилда федерал Виктория университети таркибига кирди ва Оуенс коллежи ва Ливерпул университет коллежи билан бирлашди. 1904 йилда қирол Эдвард VII томонидан Лидс университетига қироллик хартияси берилди.
Лидс умумий рўйхатга олиш бўйича Буюк Британиядаги 11-йирик университетдир ва йилига 67 000 дан ортиқ бакалавриат дастурини қабул қилади.
Университетнинг турли мактаблари, институтлари ва марказлари 7 та факультетга бўлинган бўлиб, уларнинг ҳар бири декан, про-декан ва марказий функцияларга эга бўлиб, қуйдаги йўналишларни таълим беради:
• Санъат, гуманитар фанлар ва маданиятлар
• Биология фанлари
• Бизнес
• Ижтимоий фанлар
• Муҳандислик ва физика фанлари
• Атроф-муҳит
• Тиббиёт ва саломатлик
Университет QS рейтингида 75 ўринни эгаллайди.
Учрашувдан кўзланган мақсад – “Эл-юрт умиди” жамғармаси ва Буюк Британиянинг Лидс университети ўртасида ҳамкорлик алоқаларини кенгайтириш ва Жамғарма стипендиатларининг Лидс университетида таълим олишини ташкил этиш ва ўқув тўловларидан чегирмалар олиш масалаларидан иборат.
Учрашув давомида Жавохир Ахмедов томонидан Буюк Британиянинг Лидс университетига 2024 йил кузги семестр (Fall Semester) учун Жамғарма стипендиатларининг юборилишини таъкидлаб ўтди.
Шу билан бирга, Травис Стюарт Ходгсон Жамғарма стипендиатларига яқиндан кўмак беришини таъкидлади. Жамғарма стипендиатлари учун ўқиш давомида яхши ютуқларга эришадиган бўлса, университет томонидан янада кўпроқ стипендия ҳам ажратилиши айтиб ўтди.
Бундан ташқари, давлат хизматчилари учун қисқа муддатли стажировка дастурини ташкил этиш таклифи ҳам Стюарт Ходгсон қўллаб-қувватлади.
Учрашувда Жавохир Ахмедов томонидан Жамғарма стипендиатлари учун 20% чегирма бериш таклиф этилди ва яқин вақт ичида ушбу таклифларни ўз ичига олган англашув меморандуми имзолашга келишиб олинди.