"Эл-юрт умиди" жамғармаси ва Испаниянинг таълимни халқаролаштириш агентлиги (SEPIE) ҳамкорлигида "Испанияда таълим олиш имкониятлари"  мавзусида онлайн вебинар бўлиб ўтди.

2024 йилнинг 8 февраль куни Олий таълим, фан ва инновациялар вазирлиги тизимидаги университетларнинг битирувчи курс талабалари ҳамда ўқитувчилари учун “Испания университетларида бакалавриат, магистратура ва докторантура таълим дастурларида таҳсил олиш имкониятлари” мавзусида ZOOM иловаси орқали вебинар ташкил этилди.

Мазкур вебинарда Жамғарма ижрочи директор ўринбосари в.б Жавохир Аҳмедов, Жамғарма жамоаси ҳамда ва Испаниянинг бир қатор давлат ва хусусий университетлари вакиллари иштирок этишиб, Республикамиздаги барча ўқувчи-ёшлар учун тақдимот қилишди.

 вебинарда, Испаниянинг  SEPIE ташкилоти билан  ҳамкорлик қиладиган 9 та нуфузли университет вакиллари қатнашиб, Испаниянинг ўқишга қабул қилиш имкониятлари, талабаларга яратиб берадиган шароитлар, ҳужжат топшириш жараёнлари ва берилаётган “Scholarship”лар тўғрисида маълумот беришди.

Ундан ташқари  республикамиздаги ОТМлар битирувчи курс талабалари ҳамда профессор-ўқитувчилар иштирок этишди. Учрашув қизғин савол-жавобларга бой тарзда ўтказилди.

Тақдимотдан сўнг иштирокчилар 9 та нуфузли университет вакиллари ҳамда  "Эл-юрт умиди" жамғармаси жамоасига ўзларини қизиқтирган масалалар бўйича саволлар беришди ва барча саволларга батафсил жавоб олишди.

Ушбу вебинарда юртимизнинг турли вилоятларидан ва Олий таълим муассасаларидан ҳамда Жамғарма фаолияти кузатиб борувчи обуначилардан жами 2000 дан ортиқ киши иштирок этди.