“Эл-юрт умиди” жамғармаси ва Буюк Британиянинг нуфузли Эксетер университети билан меморандум имзолади!

“Эл-юрт умиди” жамғармасида Буюк Британиянинг нуфузли Эксетер университети билан онлайн меморандум имзолади.

Маълумот учун: Буюк Британиянинг жанубий-ғарбида жойлашган Эксетер университети-Эксетер шаҳридаги давлат тадқиқот университетидир Университет THE рейтингида 93- ўринда туради.Университет 1922 йилда колледж сифатида ташкил этилган бўлиб, 1955 йил университет мақомига эга бўлган.

2023 йил 21 декабрь куни  “Эл-юрт умиди” жамғармаси Буюк Британиянинг нуфузли Эксетер университети билан ҳамкорлик алоқаларининг истиқболларини белгиловчи, икки томонлама ўзаро алмашув меморандумини имзолади. Эксетер университетининг бир қатор битирувчилари фан, академия, ҳукумат ва ҳуқуқ, санъат, журналистика ва спорт каби кўплаб соҳаларда катта ҳисса қўшган.

Мазкур меморандумга кўра, 2023 йил сентябрдан 2026 йил октябргача кундузги бўлимга ўқишга қабул қилинган талабалар ҳар бир ўқув йили учун 10 % ли чегирмага эга бўладилар.

Ушбу шартнома кучга кирган санасидан бошлаб 3 йил муддатга, 2023/24, 2024/25 ва 2025/26 ўқув йиллари учун амал қилинади.

Шунингдек, Эксетер университетида таълим олишни истайдиган талабалар ва ёшлар ҳамда мутахассислар учун онлайн вебинар ўтказиш ва туризм соҳасидаги стажировкалар ташкил этишга ҳам келишиб олинди.

Учрашув якунида “Эл-юрт умиди” жамғармаси ҳамда Эксетер университети ўртасида ҳамкорлик алоқаларини истиқболларини белгиловчи, юқоридаги таклифларни ўз ичига олган икки томонлама ўзаро меморандум имзоланди.