"Эл-юрт умиди" жамғармасининг 2023 йил 2-очиқ стипендия танлови саралаш босқичлари натижалари юзасидан апелляция аризаси билан мурожаат қилган номзодлар диққатига!!!

Жамғарма Васийлик 2023 йил 4 октябрдаги 9-сон қарорига асосан жорий йилнинг 10 октябридан “Эл-юрт умиди” жамғармаси томонидан илғор хорижий давлатларнинг нуфузли университетлари ва илмий марказларида бакалавриат, магистратура ва докторантура дастурларида таълим олиш учун 345 ўринга мўлжалланган 2023 йилги 2-очиқ стипендия танлови эълон қилган.

Номзодлардан ҳужжатлар жорий йил 10 октябридан 10 ноябрига қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда ҳужжатлар қабул қилинган.

Танловнинг саралаш босқичлари жорий йилнинг 15 ноябридан 12 декабрига қадар бўлиб ўтган.

Танловнинг саралаш жараёнлари натижаларига кўра жами 23 нафар номзодлар томонидан апелляция аризалари келиб тушган. Апелляция комиссияси қарорига кўра номзодларнинг шикоятлари жорий йил 19 декабрь куни кўриб чиқилади.

Апелляция комиссияси номзодлар билан апелляция шикоятларини кўриб чиқиш вақти ва санаси билан қуйидаги ҳавола орқали танишиш мумкин.

Номзодлардан апелляция жараёнида иштирок этиш учун шахсни тасдиқловчи ҳужжат билан келишлари талаб этилади.

Манзил: 100066, Тошкент шаҳар, Ислом Каримов кўчаси, 45

Мўлжал: “Ўзбекистон” метро бекати.

Тел: 71-203-14-41

 Жамғарма апелляция комиссияси