“Эл-юрт умиди” жамғармаси Васийлик кенгаши 2023 йилги 1-стипендия танлови натижаларини эълон қилади!!!

“Эл-юрт умиди” жамғармаси Васийлик кенгашининг жорий йил 15 июлдаги қарорига асосан 2023 йилги 1-очиқ стипендия танловида иштирок этган номзодларнинг 2-босқич суҳбат натижалари билан қуйидаги ҳавола орқали танишиш мумкин.

“Эл-юрт умиди” жамғармаси Васийлик кенгашининг жорий йил 15 июлдаги қарорига мувофиқ 2023 йилги 1-очиқ стипендия танловида муносиб қатнашган ва юқори баллар тўплаган қуйидаги номзодлар “Жамғарма стипендиати” деб эътироф этилди. Ғолиблар билан ушбу ҳавола орқали танишишингиз мумкин.

Жамғарма жамоаси “Жамғарма стипендиати” деб эътироф этилган номзодларни танловда муносиб иштирок этиб, ўзининг билим ва салоҳиятини тўла намоён этгани учун Танлов комиссияси аъзолари, экспертлар ва Жамғарма Васийлик кенгаши аъзолари томонидан уларга билдирилган юксак ишонч ва эътироф билан табриклайди.

Жамғарма стипендиясини қўлга киритган “Жамғарма стипендиати”лари  “Эл-юрт умиди” жамғармасига Низомда келтирилган барча ҳужжатларни 2023 йил 30 июлга қадар топширишларини ҳамда хорижга ўқишга кетиш билан боғлиқ барча ҳужжатларини белгиланган тартибда расмийлаштиришларини сўралади.

Суҳбат натижалари юзасидан апелляция аризалари 2023 йил 17 июль кунидан бошлаб 3 иш куни давомида қабул қилинади.

“Эл-юрт умиди” жамғармаси

Васийлик кенгаши