“Эл-юрт умиди” жамғармасининг 2023 йилги 1-очиқ стипендия танлови 2-босқич тест синовларидан муваффақиятли ўтган номзодлар диққатига!

Танлов комиссиясининг 2023 йил 16 майдаги қарорига асосан тест синовларини муваффақиятли топширган номзодлар учун хорижда таълим олишдан кўзланган мақсад ва таълим олиш тугагач олинган билимларни Ўзбекистонда қўллаш имкониятлари, танлаган мутахассислиги бўйича билим ва кўникмалари, маънавий-ахлоқий тафаккури, соғлом дунёқараши, миллий ва умуминсоний қадриятларни аниқлашга қаратилган давлат тилида суҳбат Ўзбекистон Республикаси Президенти ҳузуридаги Давлат бошқаруви академияси биносида жорий йил 22 майдан 15 июнга қадар ўтказилиши белгиланди.

Номзодлар билан суҳбат ўтказиш графиги, кун ва вақти тўғрисидаги маълумотни қуйидаги ҳавола орқали олишингиз мумкин.

Номзодлар эълон қилинган графикка асосан Давлат бошқаруви академиясида жорий йилнинг 22 май куни соат 08.00 дан бошлаб суҳбат жараёнига киришлари мумкин.

Номзодлардан суҳбат жараёнида иштирок этиш учун шахсни тасдиқловчи ҳужжат билан келишлари талаб этилади.

Манзил: 100066, Тошкент ш., Ислом Каримов кўчаси, 45-уй.

Мўлжал: “Ўзбекистон” метро бекати.

Танлов комиссияси