Русский
English
Жорий йилнинг 10 май куни “Эл-юрт умиди” жамғармаси билан ҳамкорлик алоқаларини янада ривожлантириш мақсадида АҚШнинг Миссури университети (University of Missouri) раҳбарияти Жамғармага ташриф буюрди.
Маълумот учун: Миссури университети 1837 йилда ташкил этилган бўлиб, телекоммуникациялар соҳаси йўналишида дунё рейтингида 38 ўринда туради. Мазкур университетда 30 000 мингда ортиқ талабалар таҳсил олади. Университет қишлоқ хўжалиги, давлат бошқаруви, ҳуқуқ, иқтисодиёт ва бизнес бошқаруви, ИТ технологиялари, журналистика каби устувор соҳаларда мутахассислар тайёрлашда етакчи университет ҳисобланади дунёнинг 100 дан ортиқ мамлакатларидан талабалар 270 мутахассислик бўйича таҳсил олади.
“Эл-юрт умиди” жамғармаси ҳамда Миссури университети ўртасида 2021 йилда алмашинув меморандуми имзоланган бўлиб, бугунги кунда томонлар таълим дастурлари бўйича ўзаро ҳамкорлик алоқаларини олиб бормоқдалар. Бугунга қадар Миссури университети томонидан “Эл-юрт умиди” жамғармаси стипендиатларининг ўқиш харажатларидан 5 минг АҚШ доллари миқдорида чегирмалар ажратилиб келинмоқда.
Ушбу университетда бугунги кунда 7 нафар Жамғарма стипендиатлари таҳсил олмоқда.
“Эл-юрт умиди” жамғармасининг 2023 йилги 1-очиқ стипендия танловида иштирок этаётган 30 дан ортиқ номзодлар ушбу университетдан қабул хати юклаган.
Учрашувда, Ж.Ахмедов томонидан ўзаро манфаатли алоқаларини янада ривожлантириш, Жамғарма стипендиатларининг университетда таҳсил олишлари учун қулай шарт-шароитлар яратиш ва ажратиладиган грантлар миқдорини ошириш, Жамғарма танловлари ғолибларига тез фурсатда қабул хати ва виза олишда кўмаклашиш каби масалалар томонлар ўртасида муҳокама қилинди.
Бугунги учрашув томонлар учун жуда ҳам манфаатли ўтганлигини алоҳида таъкидлаш лозим. Университетнинг Халқаро дастурлар бўйича проректори Доктор Мери Стегмайер ушбу учрашувда Жамғарманинг стипендиатлари учун бу йилдан бошлаб университет томонидан 15 минг АҚШ доллари, яъни умумий контракт тўловининг 45-50% миқдорида чегирмалар ажратилишини маълум қилди.
Учрашув якунида Жамғарма раҳбарияти бўлиб ўтган учрашув ҳамкорлик алоқаларини янги босқичга олиб чиқишини таъкидлаб, мазкур университет билан ҳамкорлик алоқаларини давом эттиришдан Жамғарма манфаатдор экканлигини билдирди.