“Эл-юрт умиди” жамғармасининг 2023 йилдаги 1-очиқ стипендия танловининг 1-босқичи якунланди!!!

“Эл-юрт умиди” жамғармасининг 2023 йилги 1-очиқ стипендия танлови учун 2023 йил 1-апрелдан 1 майга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда ҳужжатлар қабул қилинди. 

Танлов комиссияси техник гуруҳи томонидан биринчи босқич саралаш жараёнларида номзодлар томонидан тақдим этилган ҳужжатларнинг талаб қилинган рўйхат бўйича мавжудлиги ва тегишлилиги бўйича кўриб чиқилди. 

“Эл-юрт умиди” жамғармасининг 2023 йилги 1-стипендия танлови саралаш босқичи жараёнлари якуни юзасидан Танлов комиссиясининг қарорига асосан Низом талабига жавоб берадиган 1066 нафар номзодлар 2-босқичга тавсия этилди. 

Танловнинг 2-босқичига тавсия этилган номзодлар рўйхати билан қуйидаги ҳавола орқали танишиш мумкин. 

ТАНЛОВНИНГ 2-БОСҚИЧИГА ТАВСИЯ ЭТИЛАЁТГАН НОМЗОДЛАР УЧУН ЭСЛАТМА: 

Бугунги кунда иш ёки ўқиш юзасидан хорижда бўлиб турган номзодлардан танловнинг 2-босқич тест ва суҳбат жараёнларида онлайн иштирок этиш учун Жамғарма Танлов комиссияси номига ариза ёзиб,
3 иш куни мобайнида Жамғарманинг электрон почта манзилига (info@eyuf.uz) юборишлари сўралади. 

Ариза билан мурожаат қилган номзодларга рухсат бериш юзасидан Жамғарма Васийлик кенгашига Танлов комиссияси томонидан таклиф киритилади. 

Стипендия танловининг иккинчи босқич тест жараёнлари ўтказиладиган вақти ва жойи яқин кунларда эълон қилинади.