Русский
English
Жорий йилнинг 1 май куни “Эл-юрт умиди” жамғармаси ҳамда Буюк Британиянинг Каплан ташкилоти (Kaplan International) раҳбарияти ўртасида ўзаро ҳамкорлик алоқаларини янада ривожлантиришга қаратилган учрашув бўлиб ўтди.
Ушбу учрашувда Kaplan International раҳбарияти, Буюк Британиянинг Ноттингем Трент халқаро коллежи, Йорк университети, Бристол университети вакиллари ҳамда Жамғарма ижрочи директор ўринбосари ва бўлим бошлиқлари қатнашдилар.
Маълумот учун: “Kaplan International Pathways” ташкилоти 1938 йил АҚШ да ташкил қилинган бўлиб, 2005 йилдан бошлаб Буюк Британиянинг Лондон шаҳрида фаолият юритиб келмоқда. Халқаро ташкилотнинг дунё рейтингида энг юқори ўринларни эгаллаган Буюк Британия, Австралия ва Янги Зеландия АҚШ каби ривожланган давлатларидаги 20 дан ортиқ университетларда бакалавриат дастури бўйича бир йиллик тайёрлов курслари (Foundation Year) да ўқиш учун грантлар ажратиб келади.
Каплан бутун дунё бўйлаб 40 дан ортиқ университетлар билан ҳамкорлик қилади ва ҳар йили 20 000 халқаро талабаларни университетга тайёрлайди. Kaplan International Languages 2019 йилда Алпадиа тил мактабларини олгандан сўнг инглиз тили курслари, шунингдек, француз ва немис курсларини тақдим этади ва Буюк Британия, Ирландия, АҚШ, Канада, Австралия, Янги Зеландия, Франция, Швейцария, Испания ва Германиядаги жойларда кенг доирадаги курсларни таклиф этади.
Каплан халқаро талабалар учун университет йўналиши дастурлари бўйича бешта йирик глобал таъминотчилардан биридир. У талабаларга Буюк Британия, АҚШ ва Австралия университетларининг бакалавриат, аспирантура ва докторантура даражасидаги курсларига кириш учун дастурларни таклиф этади. Керакли даражада муваффақиятли якунлаш қуйидаги ҳамкор университетларда 1000 дан ортиқ даража курсларидан бирига киришни кафолатлайди.
Бристол университети халқаро QS рейтингида 61 ўринни эгаллаган бўлиб, Англиянинг Бристол шаҳрида жойлашган. Университетга таълуқли 9 нафар битирувчилар ва ўтган профессор-ўқитувчилар Нобел мукофотига сазовор бўлган.
Йорк университети 1963 йил ташкил этилган бўлиб, бу давр мобайнида университет 100 дан ортиқ касбий йўналишлар бўйича битирувчиларни тайёрламоқда. Йорк университети Буюк Британияда жойлашган йирик олий таълим муассасаси бўлиб, QS халқаро миқёсда эътироф этилган академик рейтингида 162 ўринда туради. Бирлашган Қиролликда эса етакчи 10 университетининг бири ҳисобланади.
Nottingham Trent University 1843 йилда ташкил этилган - Британиянинг 6 энг катта университети бўлиб, 35,7 минг талаба таҳсил олади. Университетнинг 8 та академик мактаблари мавжуд бўлиб, хорижий тилни ўқитиш ва журналистика шунингдек, дизайн архитектура йўналишларида дунё рейтингларида юқори ўринларни эгаллаган.
Учрашувда Ўзаро манфаатли алоқаларини ривожлантириш масалалари муҳокама қилинди: Жамғарма стипендиатларининг университетда таҳсил олишлари учун қулай шарт-шароитлар яратиш ва ажратиладиган грантлар миқдорини ошириш шулар жумласидандир.
Музокаралар давомида “Эл-юрт умиди” жамғармаси ҳамда Каплан ташкилоти ўртасида имзоланиши кутилаётган алмашинув меморандумининг лойиҳаси муҳокама қилинди. Хусусан, Жамғарма стипендиатлари учун ўқиш тўлови чегирмаси 15% миқдорида белгиланади. Шунингдек, бир ўқув йилида 15 ёки ундан ортиқ Жамғарма стипендиатлари Буюк Британиянинг Каплан халқаро ташкилотига аъзо университетларга ўқишга қабул қилинса, ўша ўқув йилида рўйхатдан ўтган стипендиатлар учун 25% гача ўқув тўлови чегирмаси ажратишга келишилди.
Учрашув сўнгида томонлар ўзаро ҳамкорлик алоқалари истиқболини белгиловчи меморандумни 2023 йилнинг май ойи сўнгига қадар имзолашга келишиб олдилар.