Русский
English
2023 йилнинг 28 апрель куни “Эл-юрт умиди” жамғармаси ижрочи директор ўринбосари в.б. Ж.Aхмедов, Жамғарма бўлим бошлиқлари A.Хамдамов ва A.Aъзамхонов, Малайзиянинг Осиё-тинч океани технология ва инновациялар университети (Asia Pacific University of Technology & Innovation (APU)) раиси Паримжит Сингх ўртасида икки томонлама ҳамкорлик алоқаларини ўрнатиш масалалари муҳокамаси юзасидан онлайн мулоқот бўлиб ўтди.
Мазкур учрашувда, Ж. Ахмедов томонидан Малайзиянинг Осиё-тинч океани технология ва инновациялар университети вакилларига “Эл-юрт умиди” жамғармаси фаолияти таълим дастурлари ва стипендия танловлари юзасидан батафсил маълумот берилди. Шунингдек, мамлакатимизда кадрлар тайёрлаш тизимини ислоҳ қилишга қаратилган чора-тадбирлар, ўзбек ёшларининг етакчи хорижий университетларда таълим олиши ва илмий-тадқиқот фаолияти учун яратилган шарт-шароитлар, Жамғарманинг таълим дастурлари бўйича мутахассисларни хориждаги нуфузли университетларда жумладан, Осиё-тинч океани технология ва инновациялар университети таълим олиши юзасидан ҳамкорлик қилиш бўйича таклиф киритилди.
Ўтказилган музокаралар чоғида Жамғарма орқали университетда таълим олишни режалаштираётган ҳар бир стипендиатларнинг ўқиш харажатларидан чегирмалар ажратиш имкониятлари бўйича таклифлар киритилди. Ушбу таклифга жавобан Осиё-тинч океани технология ва инновациялар университети вакиллари томонидан университети Жамғарма стипендиатлари учун сўралган чегирмаларни ажратишга тайёр эканлигини ва бу ўзаро алоқаларни янада мустаҳкамлашга хизмат қилишини таъкидлади.
Шу билан бирга, вазирлик ва идораларнинг мақсадли буюртмаси асосида давлат хизматчиларини Осиё-тинч океани технология ва инновациялар университетида қисқа муддатли малака ошириш ва стажировка ўтишини ташкил бўйича таклифлар муҳокама қилинди. Ўз ўрнида мазкур таклифлар Малайзия университети вакиллари томонидан қўллаб қувватланиб, мазкур йўналишларда ҳамкорлик алоқаларини ўрнатишга келишиб олинди.
Мазкур учрашув якуни бўйича томонлар ҳамкорлик алоқаларини истиқболини белгиловчи юқоридаги таклифларни ўз ичига олган икки томонлама меморандум лойиҳасини ишлаб чиқиш, шунингдек, мамлакатимизнинг давлат хизматчилари ва ёшлари учун ҳамкорликда онлайн семинарлар ташкил этишга келишиб олинди.