Русский
English
Баҳор ва табиат уйғонишининг тимсоли, шарқона янги йилнинг бошланиши бўлган Наврўзи оламни баланд руҳ ва катта шодиёна билан нишонлаш азал-азалдан эл-юртимиз учун гўзал анъана ҳисобланади.
Халқимизнинг кўп асрлик эзгу қадриятларини, унинг орзу-интилишларини ўзида мужассам этган Наврўзи оламнинг руҳи ва фалсафасида мужассам бўлган яхшилик ва бағрикенглик, аҳиллик ва ҳамжиҳатлик каби олижаноб ғоялар Янги Ўзбекистонда амалга оширилаётган тарихий ўзгаришларнинг мақсад ва мазмунига тўла ҳамоҳангдир.
“Эл-юрт умиди” жамғармаси стипендиатлари томонидан Буюк Британиянинг Рединг университетида “Ҳар кунинг Наврўз бўлсин, жонажон Ўзбекистоним!” мавзусида байрам тадбирлари ўтказилди. Байрам тадбирларида Жамғарма стипендиатлари томонидан миллий анъаналаримиз, урф одатларимиз, қадриятларимизни мазкур университетда таълим олаётган 200 дан ортиқ талабаларга ва профессор-ўқитувчилар намойиш этиб бердилар.
Тадбир иштирокчиларига ўзбекона миллий таомларимиз ва куй қўшиқлар катта қизиқиш уйғотди ва илиқ кутиб олинди. Бундай тадбирлар Жамғарма стипендиатлари томонидан доимий ўтказиб борилади.
Жамғарма ахборот хизмати