Русский
English
Жорий йилнинг 16 март куни “Эл-юрт умиди” жамғармаси вакиллари ҳамда Миннесота университетининг Халқаро талабалар ва ҳомийлик асосидаги таълим дастурлари бўйича директори Сара Круигер билан ҳамкорликда “Миннесота университетида таълим олиш имкониятлари” мавзусида ZOOM платформаси орқали вебинар бўлиб ўтди.
Маълумот учун: Миннесота университети АҚШдаги нуфузли давлат грант тадқиқот университетидир. Миннесота университети 54,955 талаба таълим олади Америка Қўшма Штатлардаги тўққизинчи йирик университет ҳисобланади. Миннесота университетида 19 та коллежлари мавжуд. Мазкур университет халқаро миқёсда эътироф этилган академик рейтингларда жумладан, QS-185 ўрин, THE-86 ўрин, The U. S. News and World Report- 55 ўрин ва ARWU -40 ўринлардан жой олган нуфузли университет саналади.
Онлайн вебинарда 1000 дан ортиқ олий таълим муассасалари профессор-ўқитувчилари, илмий ходимлари, тадқиқотчилари ва талабалари ҳамда мактабларнинг битирувчи синф ўқувчилари ва ўқитувчилари ёшлар ва бошқа қизиқувчилар иштирок этди.
Сара Круигер онлайн вебинар иштирокчиларига АҚШнинг нуфузли Миннесота университетида таълим олиш имкониятлари, бакалавриат, магистратура ва докторантура таълим дастурларига ўқишга кириш тартиби, университетда ўқиш учун халқаро талабаларга қўйилган талаблар, хорижий талабаларга ажратиладиган грантлар ва бошқа муҳим маълумотларни ўз тақдимоти орқали номзодларга етказди.
Шунингдек, вебинарда Миннесота университетида ўқиётган “Эл-юрт умиди” жамғармаси стипендиатлари Нигина Музаффарова, Шахзода Икрамова, Комила Умаржоновалар ҳам иштирок этди ва Миннесота университети томонидан Жамғарма стипендиатларига яратиб берилган имкониятлар, яшаш ва таълим олиш шароитлари ҳақида онлайн учрашув қатнашчиларига маълумот бердилар.
Мулоқот очиқ кўтаринки руҳда ўтказилиб, вебинар иштирокчилари ўзларини қизиқтирган саволларга Сара Круигер, Жамғарма жамоаси ва стипендиатлардан малакали жавобларни олдилар.
Вебинар якунида, Ж. Ахмедов томонидан Янги Ўзбекистон университети ҳамда республикамиздаги бошқа олий таълим муассасалари билан Миннесота университети ўртасида ҳамкорлик алоқаларини ўрнатишда Жамғарма яқиндан ёрдам беришга тайёрлигини ва бу каби онлайн вебинарларни доимий равишда ўтказиб борилишини таъкидлаб ўтди.