"Эл-юрт умиди" жамғармасининг АҚШ ва Осиёнинг ривожланган мамлакатларида таълим олаётган стипендиатлари билан онлайн учрашув ўтказилди!

Мазкур онлайн мулоқотни ўтказишдан кўзланган мақсад – Жамғарма стипендиатлари билан доимий мулоқотни давом эттириш, улар дуч келаётган муаммоларини ўрганиш ва ҳал қилишга кўмаклашиш, Жамғарманинг замонавий онлайн платформаси бўйича уларни таклифларини ўрганиш, шунингдек, келажакдаги режаларини билиш, Жамғарма фаолиятини такомиллаштириш ва ривожлантириш юзасидан таклифларини ўрганиш ва амалиётга жорий қилишга кўмаклашишдан иборат.

Учрашувда стипендиатларнинг талаб ва таклифлари тингланди. Жамғарма ижрочи директор ўринбосари в.б. Ж.Ахмедов дунёнинг нуфузли университетларида таълим олаётган стипендиатларни кириб келаётган Наврўз умумхалқ байрами билан табриклаб, Жамғарма номидан ўзининг самимий тилакларини изҳор этди.

Мулоқот жуда кўтаринки руҳда давом этди хорижда таълим олаётган стипендиатлар сўзга чиқиб, ўзларининг шахсий ва академик ҳаётларида рўй бераётган янгилик ҳамда, ижобий ўзгаришлар ҳақида сўзлаб бердилар, табриклар ва тилаклар билдиришди.