Бугун, "Эл-юрт умиди" жамғармасининг Буюк Британияда таълим олаётган стипендиатлари иштирокида "8-март Халқаро хотин-қизлар куни" муносабати билан онлайн учрашув ўтказилди!

Мазкур онлайн мулоқотни ўтказишдан кўзланган мақсад – Жамғарма стипендиатлари билан доимий мулоқотни давом эттириш, улар дуч келаётган муаммоларини ўрганиш ва ҳал қилишга кўмаклашиш, Жамғарманинг замонавий онлайн платформаси бўйича уларни таклифларини ўрганиш, шунингдек, келажакдаги режаларини билиш, Жамғарма фаолиятини такомиллаштириш ва ривожлантириш юзасидан таклифларини ўрганиш ва амалиётга жорий қилишга кўмаклашишдан иборат.

Учрашувда Жамғарма ижрочи директор ўринбосари в.б. Ж.Ахмедов Буюк Британиянинг нуфузли университетларида таълим олаётган хотин қизларимизни табриклаб шундай деди. Сизлар тимсолингизда бугунги кунда хорижда таълим олаётган 140 нафар опа сингилларимизни "Эл-юрт умиди" жамғармаси жамоаси номидан чин қалбдан табриклайман. Бугун гўзаллик ва садоқат тимсоли бўлган меҳрибон опа-сингилларимизни шаънига дунёдаги энг гўзал тилаклар ва сўзларни изҳор қилишдан бахтиёрман. Биз сизларни энг аввало фидойилик тимсоли деб биламиз. Меҳридарё қалбингиз, ақл-заковатингиз, севги ва садоқатингиз учун сизлардан бир умр миннатдормиз дея таъкидлади.

Учрашув жуда кўтаринки руҳда давом этди хорижда таълим олаётган стипендиатлар сўзга чиқиб, ўзбек аёли тимсоли ва садоқатини эътироф этиб, стипендиат қизларимиз учун табриклар ва тилаклар билдиришди.