“Эл-юрт умиди” жамғармаси стипендиатлари АҚШнинг нуфузли Цинциннати университетида Ўзбекистон куни тадбирини ўтказишди!

“Эл-юрт умиди” жамғармаси стипендиатлари Ўзбекистоннинг хориждаги имижини ошириш мақсадида АҚШнинг нуфузли Цинциннати университетида Ўзбекистон куни тадбирини ўтказишди. Тадбирнинг асосий мақсади мазкур университет талабалари ва профессор-ўқитувчиларига Ўзбекистоннинг тарихи, маданий мероси, анъаналари ва қадриятлари, шунингдек, сўнги йилларда амалга оширилаётган ижтимоий-иқтисодий ислоҳотларни кенг тарғиб қилувчи тақдимотлар ўтказишда иборатдир.

Таъкидлаш жоизки тадбир иштирокчиларини Ўзбекистоннинг бой тарихи, бугунги кунда давлатимиз раҳбари томонидан олиб борилаётган кенг қамровли ислоҳотларга юқори баҳо бериб, дунёда кечаётган глобал пандемия ва нотинч ижтимоий-сиёсий вазиятга қарамасдан, Ўзбекистон ёшларининг хорижда таълим олиши учун давлат бюджетидан мунтазам ва барқарор маблағ ажратиб борилаётгани хорижлик ҳамкорлар томонидан эътироф этилди.