“Эл-юрт умиди” жамғармаси томонидан Тошкент давлат транспорт университетида семинар ташкил этилди

Жорий йил 28 февраль куни “Эл-юрт умиди” жамғармаси ижрочи директор ўринбосари в.б. Ж. Aхмедов, Жамғарма бўлим бошлиғи С. Тўйчиев ҳамда Тошкент давлат транспорт университетида масъул ходимлар, илмий изланувчилар, профессор-ўқитувчилар ҳамда талабалар учун семинар ташкил этилди.

Ушбу семинарлардан кўзланган мақсад университетда хорижий тилларни пухта ўзлаштирган илмий изланувчилар, профессор-ўқитувчилар ҳамда талабаларни “Эл-юрт умиди” жамғармасининг таълим дастурлари бўйича очиқ стипендия танловларида иштирокини таъминлаш ғолиб бўлган стипендиатларни хориждаги нуфузли таълим ва илмий муассасаларда таълим олишини ташкил этиш кўзда тутилган.

Тадбирда 100 га яқин талаба-ёшлар ҳамда мутахассислар иштирок этдилар. Семинарда Жавохир Ахмедов бугунги кунда Жамғарма томонидан ёшларга яратилаётган имкониятилар, ажратилаётган хорижий грантлар, бундан ташқари, стипендия танловларининг талаблари ва қандай қилиб Жамғарма стипендиясини қўлга киритиш мумкинлиги тўғрисида тақдимот қилди.

Тақдимот давомида “Эл-юрт умиди” жамғармаси томонидан илғор хорижий давлатлар нуфузли университетлари ва илмий марказларида бакалавриат, магистратура ва докторантурада таълим олиш учун Жамғарма танлови тартиби билан боғлиқ янгиликлар иштирокчиларга етказди.

Мулоқот қизғин савол-жавоблар ва муҳокамаларга бой тарзда ўтказилиб, кўплаб ёшлар ва мутахассислар ўзларини қизиқтирган саволларига тегишли жавобларни олдилар, шунингдек, ўзларининг хорижда таълим олишга оид таклифлари билан фаол иштирок этдилар.