“Эл-юрт умиди” жамғармасига АҚШнинг Aризона давлат университети ва Буюк Британиянинг Каплан ташкилоти вакиллари ташриф буюрди

Жорий йилнинг 15 ноябрь куни “Эл-юрт умиди” жамғармасида ижрочи директор ўринбосари в.б. Ж.Aхмедов, Жамғарма бўлим бошлиқлари A.Хамдамов ва A.Aъзамхонов ҳамда АҚШ нинг Aризона давлат университети Халқаро талабаларни қабул қилиш бўйича менежери, Келсей Ҳаттон ва Буюк Британиянинг “Kaplan International Pathways”  халқаро таълим ташкилотининг марказий Осиё бўйича координатори Лилия Гаисиналар иштирокида истиқболли ҳамкорлик алоқаларни белгиловчи икки томонлама меморандум шартларини муҳокамаси юзасидан учрашув бўлиб ўтди.

Маълумот учун: “Kaplan International Pathways” ташкилоти 1938 йил АҚШ да ташкил қилинган бўлиб, 2005 йилдан бошлаб Буюк Британиянинг Лондон шаҳрида фаолият юритиб келмоқда. Халқаро ташкилотнинг дунё рейтингида энг юқори ўринларни эгаллаган Буюк Британия, Австралия ва Янги Зелландия АҚШ каби ривожланган давлатларидаги 20 дан ортиқ университетларда бакалавриат дастури бўйича бир йиллик тайёрлов курслари (Foundation Year)да ўқиш учун грантлар ажратиб келади.

Жамғармасида ижрочи директор ўринбосари в.б. Ж.Aхмедов томонидан берилган таклиф бўйича мазкур университет ва Каплан ташкилоти билан биргаликдаги ҳамкорлик меморандумини имзолаш орқали 2023 йил январь ойидан бошлаб, Жамғарма стипендиатларининг ўқиш харажатларида 25% дан 40% гача бўлган чегирмалар ажратилишига келишиб олинди.

Шунингдек, учрашувда Каплан ташкилоти билан бевосита ҳамкорликда фаолият юритадиган Буюк Британиянинг Bournemouth University, Nottingham Trend University, University of Brighton, University of Essex, University Glasgow, University of Liverpool, University Nottigham, UWE Bristol, University of York каби нуфузли университетларнинг бакалавриат дастурининг дастлабки биринчи йили учун (Foundation Year)да ўқиш қабул қилинган Жамғарма стипендиатларини ўқув харажатлари учун 15 фоиздан 25 фоизгача чегирмалар ажратиш таклифи маъқулланди.

Мазкур учрашув якунида ҳамкорлик алоқаларининг истиқболларини белгиловчи, юқоридаги таклифларни ўз ичига олган икки томонлама меморандум имзолашга келишиб олинди.

Хорижий ҳамкорлар билан академик алоқаларни
ўрнатиш ва протокол хизмати бўлими