“Эл-юрт умиди” жамғармаси томонидан Буюк Британиянинг нуфузли Ноттингем Трент университети билан навбатдаги онлайн учрашув ўтказилди

Жорий йилнинг 5 сентябрь куни “Эл-юрт умиди” жамғармасида Ижрочи директор ўринбосари в.б. Ж. Ахмедов, Бўлими бошлиқлари А.Хамдамов ҳамда А.Аъзамхонов, Ноттингем Трент университети
(Nottingham Trent University, NTU) Тиллар ва маданиятлараро мулоқот кафедраси раҳбари профессор Франк Аустермюль ва университетнинг академик инглиз тили катта ўқитувчиси Мартин Севиур ўртасида ZOOM платформаси орқали навбатдаги онлайн учрашуви бўлиб ўтди.

Маълумот учун: Nottingham Trent University 1843 йилда ташкил этилган - Британиянинг 6-энг катта университети 35,7 минг талаба таҳсил олади. Университетнинг 8 та академик мактаблари мавжуд хорижий тилни ўқитиш ва журналистика шунингдек, дизайн архитектура йўналишларида дунё рейтингларида юқори ўринларни эгаллаган. 

Мазкур учрашувда ўзаро ҳамкорлик алоқаларини ўрнатиш бўйича бир қатор масалалар муҳокама қилинди.

Учрашув давомида Ж. Ахмедов томонидан журналистика соҳаси мутахассисларини қисқа муддатли малака ошириш курсларини Ноттенгем Трент университети билан ҳамкорлигида ташкил этиш бўйича олдинги учрашувда берилган таклифлар ва амалга ошириш муддатлари юзасидан таклифлари муҳокама қилинди.

Шу билан бирга, вазирлик ва идораларнинг мақсадли буюртмаси асосида давлат бошқаруви соҳаси бўйича қисқа муддатли малака ошириш ва стажировка ўтиш курсларини ҳамкорликда ташкил этиш масаласи ҳам кўриб чиқилди.

Ўз ўрнида Ноттингем Трент университети вакили профессори Франк Аустермюль томонидан мазкур йўналишларда ушбу ўқув курсларини ташкил этиш билан боғлиқ харажатлар ва ўқув курс режаларининг якуний таклифларини икки ҳафта муддатда Жамғармага тақдим этишини таъкидлаб ўтди.

Мазкур учрашув якунида ҳамкорлик алоқаларининг истиқболларини белгиловчи, ҳамкорликда ташрифлар амалга оширишга ва меморандум имзолашга келишиб олинди.

 Хорижий ҳамкорлар билан академик алоқаларни
ўрнатиш ва протокол хизмати бўлими