«Эл-юрт умиди» жамғармаси, Давлат хизматини ривожлантириш агентлиги ҳамда Бухоро вилояти ҳокимлиги ҳамкорлигида Ғиждувон тумани ва Бухоро шаҳарида амалий-услубий семинарлар ўтказилади.

Семинарлар жорий йилнинг 29 апрель куни соат 10-00 да Ғиждувон тумани  ҳокимлиги биносида вилоятнинг барча туманлардан иштирокчилар видеомулоқот воситаси орқали иштирок этадилар.

Куннинг иккинчи ярмида соат 14-00 да Бухоро шаҳар ҳокимлиги биносида  вилоятдаги Президент мактаби, умумтаълим ва ихтисослаштирилган мактаблар битирувчи синф ўқувчилари, олий таълим муассасалари талабалари ва битирувчилари, академик лицейлар битирувчилари, масъул раҳбарлар, ҳудудий давлат органлари ва ташкилотларининг кадрлар хизматига масъул раҳбарлари ва хорижий давлатларда ўқиш истагини билдирган давлат хизматчилари иштирок этишди.

Бухоро ёшларини мазкур семинарда фаол иштирок этишга чақириб қоламиз.