Ўзбекистон Республикаси Президенти ҳузуридаги Давлат хизматини ривожлантириш агентлиги ва «Эл-юрт умиди» жамғармаси ҳамкорлигида Фарғона вилоятидаги ёшлар ва давлат хизматчилари учун амалий-услубий семинарлар ташкил этилди

2022 йил 26 апрель куни соат 10:00 да «Эл-юрт умиди» жамғармаси Ўзбекистон Республикаси Президенти ҳузуридаги Давлат хизматини ривожлантириш агентлиги масъул ходимлари иштирокида Фарғона шаҳрида жойлашган «Тадбиркорлар уйи»да 500 га яқин ва вилоятдаги барча туман ҳамда шаҳарларда онлайн тартибда 2000 га яқин умумий ўрта таълим мактаблари ўқувчилари, фаол ёшлар, талабалар, Президент мактаби ўқувчилари ва давлат хизматчилари учун амалий-услубий семинар ташкил этилди.

Жамғарма фаолияти, очиқ стипендия танловлари тартиби, ўтказиш механизмлари ва ёшларга яратиб берилаётган имкониятларини халқчил тильда Фарғона халқига ва ёшларига етказиш мақсадида «Эл-юрт умиди» жамғармаси бўлим бошлиғи И.Турсунқулов томонидан тақдимот ўтказилди. 

Тақдимотлар қизғин савол-жавоблар ва муҳокамаларга бой тарзда ўтказилиб, 50 дан ортиқ ёшлар ўзларини қизиқтирган саволларига тегишли жавобларни мутахассислардан олдилар, шунингдек, ўзларининг хорижда таълим олишга оид таклифлари билан фаол иштирок этдилар.