Таиланд Ташқи ишлар вазирлиги Халқаро ҳамкорлик агентлиги (TICA) доирасида қисқа муддатли онлайн ўқув тренингларини ва магистратура стипендияларини таклиф этади

Муддати: 2022 йил май-ноябрь – 2022-2024 йиллар  

Таиланд Ташқи ишлар вазирлиги Халқаро ҳамкорлик агентлиги (TICA) доирасида озиқ-овқат хавфсизлиги, иқтисодиёт, экология ва соғлиқни сақлаш йўналишларида 2022 йил май-ноябрь ойларида қисқа муддатли онлайн ўқув тренингларини ҳамда 2022-2024 йиллар учун магистратура стипендияларини таклиф этади.

Ушбу магистратура стипендиялари танловида иштирок этиш учун номзодлар 2022 йил 23 майга қадар қуйидаги ҳавола орқали рўйхатдан ўтиши талаб қилинади: shorter.at/eszM9

Тренинглар инглиз тилида ўтказилади ҳамда курс якунида фаол иштирокчилар сертификатлар билан тақдирланадилар.

Номзодлар инглиз тилини ёзма ва оғзаки яхши билишлари талаб қилинади.

Хориж томони талабларига мос равишда тўлиқ тўлдирилган анкеталарни номзодлар жорий йилнинг 13 майга қадар Ўзбекистон Республикаси Ташқи ишлар вазирлигига тақдим қилишлари керак.

Хорижий ҳамкорлар билан академик алоқаларни
ўрнатиш ва протокол хизмати бўлими