Русский
English
Жорий йилнинг 12 апрель куни “Эл-юрт умиди” жамғармасида Ижрочи директор ўринбосари в.б. Ж. Ахмедов, Таълим дастурлари бўйича стипендия танловларини ташкил этиш бўлими бошлиғи И.М.Турсунқулов, Хорижда стипендиатлар таълим олишини ташкил этиш бўлими бош мутахассиси А.Аъзамхонов ҳамда Жанубий Кореянинг “Hanyang University” делегацияси аъзолари Кюнг Су Ким, университет Халқаро алоқалар офиси директори Бо Кюнг Ким, университет, Халқаро алоқалар офиси Бош менежери ўртасида учрашув бўлиб ўтди.
Маълумот учун: “Hanyang University” 1939 йил Лю-Жун Ким томонидан ташкил этилган бўлиб, унда асосан технологик таълим орқали мамлакатни ривожлантириш кўзда тутилган. Ҳозирда ушбу университет тиббиёт, давлат бошқаруви, иқтисодиёт, ҳуқуқ ва бошқа соҳаларда етук кадрларни тайёрлаб келмоқда.
Мазкур университет 2022 йилда QS ranking бўйича 156 ўринни, мамлакатда эса 7 ўринни эгаллаб турибди. Бундан ташқари, университет ҳар йили 7400 дан ортиқ чет эллик талабаларини қабул қилади ва 3000 дан ортиқ талабаларни бошқа чет эл давлатларида таълим олиш учун ўқишга юборади. Мазкур университет Massachusetts Institute of Technology (MIT), University of Cambridge каби дунёнинг 88 давлатидаги етакчи 820 дан ортиқ университетлар билан фаол ҳамкорлик олиб бормоқда.
Шунингдек, Жамғарма томонидан вазирлик, идора давлат ташкилотларнинг тўғридан-тўғри мақсадли буюртмалари асосида истиқболли ва талаб юқори бўлган мутахассисликлар, жумладан, медицина, давлат бошқаруви, молия, халқаро ҳуқуқ, муҳандислик каби бугунги кундаги устувор ҳисобланган соҳаларда давлат хизматчилари учун университетда илмий-тадқиқот ва инновация марказларида, шунингдек, йирик саноат компаниялари базасида қисқа муддатли малака ошириш ҳамда стажировка ўтиш курсларини ташкил етиш масаласи муҳокама қилинди.
Мазкур учрашувлар якунида ҳамкорлик алоқаларининг истиқболларини белгиловчи, юқоридаги таклифларни ўз ичига олган икки томонлама қўшимча келишув имзолашга келишиб олинди.
Таълим дастурлари бўйича стипендия
танловларини ташкил этиш бўлими