Ўзбекистонни хорижда янада кенгроқ тарғиб қилиш мақсадида Жамғарманинг Синсиннати университетида таълим олаётган стипендиатлар билан давра суҳбати бўлиб ўтди

«Эл-юрт умиди» жамғармаси ижрочи директор ўринбосари в.б. Ж. Ахмедов жорий йилнинг 11 февраль куни Ўзбекистоннинг хорижда имижини Жамғарма стипендиатлари кўмагида янада кенгроқ тарғиб қилиш мақсадида Синсиннати университетида таълим олаётган 10 дан ортиқ стипендиатлар билан давра суҳбати ўтказди.

Учрашувдан мақсад хорижда таълим олаётган Жамғарма стипендиатлари учун байрам кунларида турли хилдаги давра суҳбатлари ташкил этиш ва миллий байрамларни нишонлаш таклифини муҳокама қилишдан иборат эди.

Жамғарма стипендиатлари кўмагида Ўзбекистоннинг хорижда имижини янада кенгроқ тарғиб қилиш мақсадида ўзи таълим олаётган университетда Ўзбек маданияти ва қадриятлари кунларини ташкил этиши юзасидан «Эл-юрт умиди» жамғармаси раҳбарияти ўзининг таклифларини берди.

Учрашув савол-жавоблар ва муҳокамаларга бой тарзда ўтказилди, стипендиатлар ўзларини қизиқтирган саволларига тегишли жавобларни олдилар, таклифлари ва фикр-мулоҳазалари билан фаол иштирок этдилар.

Хорижий ҳамкорлар билан академик алоқаларни

ўрнатиш ва протокол хизмати бўлими