АҚШда чет тилларини ўқитиш тажрибасидан: ўзбек тили мисолида” мавзусида халқаро илмий вебинар ташкил этилди

Ўзбек тилининг халқимиз ижтимоий ҳаётида ва халқаро миқёсдаги обрў-эътиборини тубдан ошириш, униб-ўсиб келаётган ёшларимизни ватанпарварлик, миллий анъана ва қадриятларга садоқат руҳида тарбиялаш, мамлакатимизда давлат тилини тўлақонли жорий этишни таъминлаш, Ўзбекистондаги миллат ва элатларнинг тилларини сақлаш ва ривожлантириш, давлат тили сифатида ўзбек тилини ўрганиш учун шарт-шароитлар яратиш мақсадида, шу билан бирга Президентимизнинг 2020 йил 20 октябрдаги ПФ-6084-сонли “Мамлакатимизда ўзбек тилини янада ривожлантириш ва тил сиёсатини такомиллаштириш чора-тадбирлари тўғрисидаги” Фармоннинг  2-иловаси  билан тасдиқланган “2020-2030 йилларда ўзбек тилини ривожлантириш ва тил сиёсатини такомиллаштириш концепциясинида Жамғармага юклатилган вазифалар ижросини ўз вақтида таъминлаш мақсадида 2022 йил 29 январь куни “Эл-юрт умиди” жамғармаси, Алишер Навоий номидаги Тошкент давлат ўзбек тили ва адабиёти университети ҳамкорлигида ва АҚШнинг Индиана университетида меҳнат фаолиятини олиб бораётган ватандошимиз, “Ўқитувчилар малакасини ошириш ва ўқув дастурларини ишлаб чиқиш бўйича” координатор  У. Ҳикватиллаева билан “АҚШда чет тилларини ўқитиш тажрибасидан: ўзбек тили мисолида” мавзусида халқаро илмий вебинар ташкил этилди, унда 100 га яқин профессор-ўқитувчилар иштирок этишди.

Вебинарда ўзбек тилининг хорижда ўқитилишининг методлари, тарқатма материаллар, ўзбек тилини ватанимизда ва хорижда янада оммалаштириш, тилимизнинг халқаро имиджини кўтариш  чора-тадбирлари ҳақида суҳбат бўлиб ўтди.

YOUTUBE даги расмий саҳифамизда кўришингиз  мумкин: https://www.youtube.com/watch?v=R7KmyO0Iv8A

Жамғарма Ахборот хизмати