Америка Қўшма Штатларининг нуфузли университетига ўқишга кетаётган “Эл-юрт умиди” жамғармаси стипендиатлари билан учрашув ўтказилди

Жорий йилнинг 20 декабрь куни “Эл-юрт умиди” жамғармасида Америка Қўшма Штатларининг бир қатор нуфузли университетларига, жумладан, Жорж Вашингтон, Аризона, Синсиннати, Пенсилвания ва Колорадо каби дунё рейтингида муносиб ўринда турувчи таълим муассасаларида таълим олиш учун кетаётган 23 нафар Жамғарма стипендиатлари билан учрашув ўтказилди.
Учрашувдан кўзланган мақсад Жамғарма стипендиатларига АҚШнинг нуфузли университетларида ўқиш имкониятлари, ўқиш жараёнида стипендиатлар эътибор қаратиши лозим бўлган масалаларга алоҳида урғу берилиб, Жамғарма стипендиатларининг ўқиш ва яшаш шароитларини яхшилаш, уларга ҳар томонлама кўмак бериш масалаларни муҳокама қилинди.

Бундан ташқари, Жамғарма раҳбарияти 2021 йил 21 декабрь куни Америка Қўшма Штатларининг Ўзбекистондаги элчихонасига виза олиш мақсадида суҳбатга кирадиган стипендиатларга йўл-йўриқ кўрсатиб, виза олиш тартиби ҳақида маълумотлар берилди.  

Учрашув қизғин саволларга бой тарзда бўлиб ўтди. Жамғарма танловларида ғолибликни қўлга киритган АҚШнинг нуфузли университетларига таълим олиш учун кетаётган стипендиатлар ўзларини қизиқтирган саволларга Жамғарма раҳбарияти томонидан малакали жавобларни олдилар.

Хорижий ҳамкорлар билан академик алоқаларни

ўрнатиш ва протокол хизмати бўлими