Русский
English
Жорий йилнинг 18 декабрь куни Ўзбекистон Республикаси Президенти ҳузуридаги Давлат хизматини ривожлантириш агентлиги директорнинг биринчи ўринбосари О. Хасанов, Жамғарма ижрочи директорининг ўринбосари в.б. Ж. Ахмедов ҳамда Ўзбекистон Республикасининг хориждаги дипломатик ваколатхоналари масъуллари иштирокида Жамғарманинг хорижда таълим олаётган стипендиатлари билан ZOOM платформаси орқали видеомулоқот ўтказилди.
Учрашувдан мақсад “Эл-юрт умиди” жамғармаси стипендиатлари билан доимий мулоқот ўрнатиш, уларнинг муаммоларини ўрганиш ва кўмаклашиш уларнинг келажакдаги режаларини билиш ўртоқлашиш, ҳамда Ўзбекистон Республикасининг хориждаги дипломатик ваколатхоналари орқали стипендиатларга яқиндан ёрдам бериш ва доимий мулоқотни йўлга қўйиш, ўқишни тугатгандан сўнг уларни давлат хизматига жалб этиш борасида барча шарт-шароитларни яратиб бориш мақсад қилинган.
Мазкур видеомулоқотда Америка Қўшма Штатларида 49 нафар, Канада 1 нафар, жами 50 нафар Жамғарма стипендиатлари иштирок этди.
Ўтказилган учрашув давомида “Эл-юрт умиди” жамғармаси стипендиатлари қуйидаги таклифларни илгари сурдилар:
- “Эл-юрт умиди” жамғармасининг расмий веб сайтида стипендиатлар томонидан ёзилаётган илмий ишлар мавзуларини ёритиб борадиган янги платформа яратиш;
- Жамғарма стипендиатлари томонидан қилинаётган илмий ишлар учун Ўзбекистон Республикасида фаолият олиб бораётган вазирлик, идора ва ташкилотлардан маълумотлар олишга имконият яратиш каби таклифлари билан иштирок этдилар.
Жамғарма стипендиатлари ёрдамида вазирлик ва идораларга мамлакатимизда устувор ҳисобланган йўналишлар ва мавзуларда Жамғарма билан ҳамкорликда вебинарлар ўтказиш юзасидан таклифлар билдирилди.
Ўзбекистон Республикаси Президенти ҳузуридаги Давлат хизматини ривожлантириш агентлиги раҳбарияти томонидан ҳар бир стипендиат ўқишни тугатиб, илғор тажрибани ўзлаштириб, юртимизга қайтишидан бир ой олдин уларнинг мутахассисликлари бўйича давлат хизматига ишга жалб қилиш чоралари кўрилиш юзасидан таклиф билдирилди.
Ўтказилган вебинарда Жамғарма стипендиатлари Президентимизга, Ҳукуматимизга, раҳбарияти ва жамоасига ўзларининг самимий миннатдорчиликларини билдириб, уларга билдирилган юксак ишончни оқлаб, хориждаги илғор билим ва тажрибани ўзлаштириб, юртимизга қайтиб мамлакатимизни ривожланган давлатлар қаторига қўшилиши учун бор куч имкониятларини сафарбар этишларини таъкидлаб ўтдилар.
Бўлиб ўтган учрашувлар ҳар томонлама муҳокамаларга бой тарзда бўлиб ўтди. Стипендиатлар ўзларини қизиқтирган саволларга малакали жавобларни олдилар. Давлатимизни ривожлантириш юзасидан ўзларининг таклифлари билан ўртоқлашдилар. Мулоқот якунида бундай учрашувлар ҳар чоракда ўтказилиши ва бу тадбирларда барча фаол иштирок этишига келишиб олинди.
Хорижий ҳамкорлар билан академик алоқаларни
ўрнатиш ва протокол хизмати бўлими