“Queen Mary” университети ва “Эл-юрт умиди” жамғармаси ҳамкорликда ZOOM платформаси орқали онлайн вебинар ўтказди

Жорий йилнинг 8 ноябрь куни “Эл-юрт умиди” жамғармаси, Ўзбекистоннинг Буюк Британиядаги элчихонаси ҳамда Буюк Британиянинг нуфузли университетлардан бири  ҳисобланган Queen Mary University of London университети ҳамкорликда республикамиздаги бир қатор Олий таълим ташкилотлари ходимлари учун жумладан, Тошкент тиббиёт академияси, Ўзбекистон Миллий университети, Тошкент давлат юридик университети, Тошкент фармацевтика институти, Тошкент педиатрия тиббиёт институти раҳбарлари, профессор-ўқитувчилари ва илмий изланувчилардан иборат 50 дан ортиқ мутахассислар иштирокида ZOOM платформаси орқали онлайн вебинар бўлиб ўтди.

“Queen Mary” университети (Queen Mary University of London) 1785  йилда, тиббиёт коллежи сифатида ташкил этилган бўлиб, кейинчалик улкан ва машҳур университетга айланди. Бугунги кунда университетда 21500 дан ортиқ талабалар таълим олмоқда. “Queen Mary” университети ўз талабаларига турли соҳаларда 400 дан ортиқ мутахассисликларни таклиф этиб келмоқда. Университет битирувчилари орасида, йирик корпорация президентлари, Олимпия олтин медаллари совриндорлари ва 5 нафар Нобел лауреатлари ва  бошқа кўплаб таниқли шахслар бор.

Университетнинг йиллик бюджети 350 млн фунт стерлинга тенг ва ундан 100 млн фунт стерлингни ҳар йили илмий ишлар ҳамда грантлар асосида кулга киритади. Университет QS World University Rankings да 117 ўринда тиббиёт университетлари орасида топ 20 таликка, битирувчиларини иш билан таъминлаш бўйича мамлакатда 6-уринда, профессор-ўқитувчиларни рағбатлантириш бўйича Буюк Британияда иккинчи ўринда туради. Шунингдек, Буюк Британияда аэрокосмик ишлаб чиқаришда 2-уринда, авто-саноатда 5-уринда, инженерлик ўқув юртлари орасида Лондонда 1-ўринни эгаллаган.

Вебинар давомида “Queen Mary” университетидан 6 факултетдан мутахассислик бўйича масъул профессорлар университетда ўқиш имкониятлари, хорижий таълим муассасасига ўқишга қабул қилинганлиги ёки шартли қабул қилинганлиги тўғрисидаги таклифнома-хат (Lеttеr оf аccеptаncе ёки Lеttеr оf cоnditiоnаl аccеptаncе) қандай қилиб олиш мумкинлиги, халқаро майдонда университетнинг ўрини ва натижалари тўғрисида тақдимотлар қилинди.

Вебинар якунида республикамиз олий таълим ташкилотларидан иштирок этган мутахассислар ўзларининг қизиқтирган саволларга “Queen Mary” университети мутахассислари томонидан малакали жавоблар олишди.

Томонлар учрашув якунида ҳамкорликда бундай вебинарларни доимий равишда ўтказиб боришга келишиб олдилар.

Хорижий ҳамкорлар билан академик алоқаларни
ўрнатиш ва протокол хизмати бўлими