Индонезия ҳукумати томонидан жорий йилнинг 19 ноябрь куни гибрид форматида (онлай ва офлайн) “Демократияда ёшларнинг ролини шакллантириш: ижтимоий интеграция ва барқарор иқтисодий тикланиш сари” мавзусида ўтказиладиган 14 Бали демократик форумида иштирок этиш учун Ўзбекистондан 1 нафар талабани таклиф этади.
Форумда қатнашиш учун жорий йилнинг 30 октябрига қадар иловада келтирилган йўриқнома асосида рўйхатдан ўтиб, ҳужжатларни рақамли форматда unitkom.tashkent@kemlu.go.id электрон манзилига юбориш лозим (қўшимча маълумот учун элчихона масъул ходими-Розалина Тобинг, тел.: 90 325-64-39).
Талаблар:
-номзодлар 21 ёшдан 28 ёшгача бўлиши лозим;
-бакалавр/магистр даражасига эга бўлиши;
-инглиз тилида эркин гаплаша олиши;
-ижтимоий ва сиёсий масалаларга қизиқиши;
-жамоат ташкилотларидаги фаоллигини кўрсатиши керак.
Керак ҳужжатлар:
-анкета тўлдириш;
-резюме;
-университетдан тавсиянома;
-паспорт нусхаси;
-талабалик гувоҳномаси нусхаси;
-фотосурат (4х6);
-иқтисодиётнинг барқарор тикланиши ва ижтимоий интеграция ҳақидаги қарашлар ҳақида инглиз тилида (650 сўзлик, шрифт: ариал 11) иншо;
-1 дақиқадан ошмаган, инглиз тилида видео (IGTV расмий инстаграм саҳифасига юкланади).
Видео учун мавзулар:
-Ўзини ва университетини таништириш
-Ёшларнинг демократиядаги ўрни: ижтимоий интеграция ва барқарорлик сари қарашлар
-Ҳэштег #BDSC2021 #BDSCV #BDF2021 #RoadtoBDF
Конференциянинг барча харажатлари мезбон давлат томонидан қопланади.
Жамғарма Ахборот хизмати

