Русский
English
Жорий йилнинг 21 октябрь куни «Эл-юрт умиди» жамғармасида Жамғарманинг ижрочи директор ўринбосари в.б. Ж.Ж.Ахмедов, Таълим дастурлари бўйича стипендия танловларини ташкил этиш бўлими бошлиғи И.М.Турсунқулов ва Халқаро алоқалар ва протокол бўлими бош мутахассиси A.Э.Абдуллаева Малайзияда жойлашган нуфузли университетлардан бири ҳисобланган, 2022 йилда Global World Rankings QS-65 ўринни эгаллаган Малая университети президенти профессор Дато Мохд Хамди Абд Шукор билан учрашув бўлиб ўтди.
Малайя Университети Малайзиянинг энг қадимги университети ҳисобланиб, Малайзия пойтахти Куала-Лумпурнинг жануби-ғарбий қисмида, 373.12 гектарни эгалловчи кампусда жойлашган. 1905 йил 28 сентябрда Сингапурда қирол Эдвард VII тиббиёт коллежи сифатида ташкил этилган ва 1949 йил 8 октябрда қирол Эдвард VII тиббиёт коллежи ва Раффлес коллежи (1928 йилда ташкил этилган) бирлашиши билан Малайя университетига айланган. 1962 йил 1 январда Малайя университети ташкил этилган.
Учрашувда томонлар ҳамкорликнинг истиқболлари келажакда Жамғарма стипендиатларининг ушбу университетида таълим олиш имкониятлари, Малая университети томонидан Жамғарма учун ажратиладиган алоҳида грантлар, Жамғарманинг докторантура дастури учун 12,000 АҚШ доллари миқдорида уч йиллик ўқиш харажатлари ва бошқа тўловлар учун чегирмалар берилиш масаласи муҳокама қилинди.
Шу билан бирга, Жамғарма томонидан Малая университетида давлат хизматчилари ҳамда ўрта бўғин мутахассислар учун қисқа муддатли офлайн ва онлайн малака ошириш ва стажировка курсларини ташкил этиш юзасидан таклиф киритилиб, университет раҳбарияти бу масалада ҳам ёрдамга тайёрлигини маълум қилди.
Мазкур учрашув сўнгида Малая университети раҳбарияти Марказий Осиё, хусусан Ўзбекистон билан ҳамкорлик алоқаларини кучайтириб, келгусида Ўзбекистоннинг таълим соҳасини ривожлантиришга ёрдам беришини таъкидлаб ўтди. Томонлар учрашув якунида ҳамкорликда ташрифлар амалга оширишга ва меморандум имзолашга келишиб олинди.
Хорижий ҳамкорлар билан академик алоқаларни
ўрнатиш ва протокол хизмати бўлими