Ўзбекистон Республикаси Президенти ҳузуридаги Давлат хизматини ривожлантириш агентлиги ва “Эл-юрт умиди” жамғармаси ҳамкорлигида, республикадаги вазирлик, идора ва ташкилотларнинг кадрлар масаласи бўйича раҳбарлари ва масъул ходимлар учун онлайн вебинар ў

Ўзбекистон Республикаси Президентининг 2021 йил 11 февралда “Давлат хизматчилари ва мутахассисларни хорижда тайёрлаш ҳамда уларнинг салоҳиятини янада ошириш тизимини тубдан такомиллаштириш чора-тадбирлари тўғрисида” ПФ-6168 сон Фармони қабул қилинган.

Ушбу Фармонга мувофиқ, Жамғарманинг стипендия дастурларига ва стипендия танловларини ўтказиш тартибига киритилган ўзгартиришларни вазирлик, идора ва ташкилотларнинг мутахассисларига халқчил тилда тушунтириш мақсадида 2021 йил 13 апрель куни соат 11:00 да Ўзбекистон Республикаси Президенти ҳузуридаги Давлат хизматини ривожлантириш агентлиги ва “Эл-юрт умиди” жамғармаси ҳамкорлигида, республикадаги вазирлик, идора ва ташкилотларнинг кадрлар масаласи бўйича раҳбарлари ва масъул ходимлар учун онлайн вебинар ўтказилди.

Онлайн вебинарда республикадаги вазирлик, идора ва ташкилотлар ҳамда уларнинг ҳудудий бўлинмаларидан жами 100 дан ортиқ мутахассислар, иштирок этишди.

Онлайн вебинар қизғин савол-жавоблар ва муҳокамаларга бой тарзда ўтказилиб, 20 дан ортиқ иштирокчилар ўзларини қизиқтирган саволларига тегишли жавобларни мутахассислардан олдилар, шунингдек, ўзларининг хорижда таълим олишга оид таклифлари билан фаол иштирок этдилар.

 Жамғарма Ахборот хизмати