KOICA нинг Ўзбекистондаги ваколатхонасининг 2021 йилги стипендия танловининг биринчи босқичи ўтказилди

Хабарингиз бор, KOICA (Korea International Cooperation Agency) ташкилотининг узоқ муддатли магистрлик дастурларида қатнашиш учун номзодлар қабули бошланганлигини эълон қилинган эди.

Жорий йилнинг 5 апрель куни KOICA нинг Ўзбекистондаги ваколатхонасининг 2021 йилги стипендия танловининг биринчи босқичи ўтказилди.

KOICA нинг Ўзбекистондаги ваколатхонасида 1-босқич – суҳбат бўлиб ўтди, унда “Эл-юрт умиди” жамғармаси  Хорижда стипендиатлар таълим олишини ташкил этиш бўлими бошлиғи Саидакбар Асқаров ва Ахборот хизмати раҳбари Мирзиё Содиқов эксперт сифатида таклиф этилдилар. 

Суҳбат жараёнларига келсак, экспертлар томонидан номзодларнинг узоқ муддатли магистрлик дастурларида олинадиган малака кўрсаткичлари бўйича тасаввурга эга эканликлари ва уларнинг Ўзбекистон шароитида татбиқ этишда қайси жиҳатларга эътибор қаратилиши бўйича ва режаларига алоҳида эътибор қаратилиди. Шунингдек, бунда талабгорнинг тил билиш даражаси ва дунёқараши ҳам муҳим омиллардан саналади.

 Узоқ муддатли магистратура дастурининг асосий йўналишлари: Techno-Entrepreneurship Competency Based on ICT Convergence; Economic Development Policy for Sustainable and Inclusive Growth; Global Education Leadership; Fisheries Science; Response to Climate Change; Social Economy; ICT Techno Policy; Public Management and Public Sector Reforms ва бошқа йўналишлар.

Батафсил тавсифлар ташкилотчилар сайтида эълон қилинади.

Жамғарма Ахборот хизмати