Олий таълим муассасалари учун “Эл-юрт умиди” жамғармасининг стипендия танловлари мавзусида вебинар бўлиб ўтди

Ўзбекистон Республикаси Президентининг 2021 йил 11 февралда “Давлат хизматчилари ва мутахассисларни хорижда тайёрлаш ҳамда уларнинг салоҳиятини янада ошириш тизимини тубдан такомиллаштириш чора-тадбирлари тўғрисида” ПФ-6168 сон Фармони қабул қилинди.

Мазкур Фармон билан “Эл-юрт умиди” жамғармаси стипендия дастурлари ва стипендия танловларини ўтказиш тартибларига тегишли ўзгартиришлар киритилди.

Онлайн вебинар 2021 йил 31 март куни Тошкент вақти билан соат 15:00 да “Эл-юрт умиди” жамғармаси ҳамда Ўзбекистон Республикаси Олий таълим Кенгаши билан ҳамкорликда ўтказилди.

Вебинарда «Эл-юрт умиди» жамғармаси директор ўринбосарлари О. Саттаров ва Ж. Ахмедов, Жамғарма Ахборот хизмати раҳбари М. Содиков ва Стипендиатларни ишга жойлаштириш ва уларнинг меҳнат фаолияти мониторингини юритиш бўлими бошлиғи Н. Карабаев иштирок этишди.

Мазкур Вебинарда "Эл-юрт умиди" жамғармаси очиқ стипендия танловларини ўтказиш тартиби, механизмлари билан боғлиқ янгиликлар ҳамда таълим дастурларига киритилган ўзгартиришлар юзасидан
Ж. Ахмедов томонидан тақдимот қилинди.

Вебинарда 400 дан ортиқ Zoom платформаси орқали ОТМлар ректорлари, проректорлари, деканлари, кафедралар мудирлари, профессор-ўқитувчилар ва илмий тадқиқотчилар, магистр талабалар иштирок этдилар.

Онлайн семинар қизғин савол-жавоблар ва муҳокамаларга бой тарзда ўтказилиб, 150 дан ортиқ иштирокчилар ўзларини қизиқтирган саволларига тегишли жавобларни мутахассислардан олдилар, шунингдек, ўзларининг хорижда таълим олишга оид таклифлари билан фаол иштирок этдилар.

Мазкур вебинарни ушбу ҳавола орқали кўришингиз мумкин:

https://www.youtube.com/watch?v=UBgP0KVaDBg&t=2s

Мазкур тақдимотни юклаб олишингиз мумкин:

https://eyuf.uz/site/prospect

Жамғарма Ахборот хизмати