Ўзбекистон Республикаси Президенти ҳузуридаги Давлат хизматини ривожлантириш агентлиги ва “Эл-юрт умиди” жамғармаси ҳамкорлигида Жиззах, Сирдарё ва Сурхондарё вилоятларидаги ёшлар, вазирлик ва идораларнинг ҳудудий бўлинмалари ходимлари билан онлайн вебина

Ўзбекистон Республикаси Президентининг 2021 йил 11 февралда “Давлат хизматчилари ва мутахассисларни хорижда тайёрлаш ҳамда уларнинг салоҳиятини янада ошириш тизимини тубдан такомиллаштириш чора-тадбирлари тўғрисида” ПФ-6168 сон Фармони қабул қилинган.

Ушбу Фармонга мувофиқ, Жамғарманинг стипендия дастурларига ва стипендия танловларини ўтказиш тартибига киритилган ўзгартиришларни кенг оммага халқчил тилда тушунтириш мақсадида 2021 йил 30 март куни соат 11:00 да Ўзбекистон Республикаси Президенти ҳузуридаги Давлат хизматини ривожлантириш агентлиги ва “Эл-юрт умиди” жамғармаси ҳамкорлигида Жиззах, Сирдарё ва Сурхондарё вилоятларидаги ёшлар, вазирлик ва идораларнинг ҳудудий бўлинмалари ходимлари шунингдек, ушбу ҳудудлардаги олий таълим муассасалари профессор-ўқитувчилари, мустақил изланувчилар, магистрантлар ҳамда талабалари учун онлайн вебинар ўтказилди.

Вебинарда Жиззах, Сирдарё ва Сурхондарё вилоятларидан жами 2000 дан ортиқ ёшлар, вазирлик ва идораларнинг ҳудудий бўлинмалари ходимлари шунингдек, ушбу ҳудудлардаги олий таълим муассасалари профессор-ўқитувчилари, мустақил изланувчилар, магистрантлар, талабалари иштирок этишди.

Онлайн семинар қизғин савол-жавоблар ва муҳокамаларга бой тарзда ўтказилиб, 100 дан ортиқ иштирокчилар ўзларини қизиқтирган саволларига тегишли жавобларни мутахассислардан олдилар, шунингдек, ўзларининг хорижда таълим олишга оид таклифлари билан фаол иштирок этдилар.

Жамғарма Ахборот хизмати