Русский
English
2021 йил 13 февраль куни Тошкент вақти билан соат 09:00да “СOVID-19 шароитида политравма бўлган беморларга тиббий ёрдам кўрсатиш тактикаси саволлари”мавзусидаги халқаро иштирокчилари билан биргаликда илмий-амалий конференция бўлиб ўтди.
Ушбу халқароилмий-амалий конференция “Эл-юрт умиди” жамғармаси, Ўзбекистон Республикаси Соғлиқни сақлаш вазирлиги ҳузуридаги Республика ихтисослаштирилган травматология ва ортопедия илмий-амалий тиббиёт маркази ва Тошкент тиббиёт академияси ҳамкорлигида ташкиллаштирилди.
Мазкур конференцияни Тошкент Тиббиёт Академиясини ректори А.К. Шадманов ва “Эл-юрт умиди” жамғармаси директор ўринбосари О.Б. Саттаров қутлов нутқи билан очиб беришди.
Конференцияда АҚШ томонидан:
Сент-Луис университет қошидаги Тиббиёт мактаби Ортопедия департаменти профессори Кулджанов Джолдас Мурадовичнинг“СOVID-19 шароитида политравма” мавзусида ўз маърузалари билан иштирок этди.
Россия Федерация томонидан:
Россия Федерациясининг Н.Н. Приоров номидаги Миллий травматология ва ортопедия илмий-тадқиқот маркази 15-травматология ва ортопедия бўлими бошлиғи, тиббиёт фанлари доктори, профессори Коробушкин Глеб Владимирович “Политравмада зарарни назорат қилиш” мавзусидаги тақдимоти билан иштирок этди.
Ўзбекистон Республикси томонидан эса: Ўзбекистон Республикаси Соғлиқни сақлаш вазирлиги ҳузуридаги Республика ихтисослаштирилган травматология ва ортопедия илмий-амалий тиббиёт марказининг етакчи илмий ходими, тиббиёт фанлари доктори Дурсунов Aхмат Маликшаевичнинг “Кўп сонли синиши оқибатидаги БИОС” мавзусидаги тақдимоти билан иштирок этди.
Шунингдек, конференцияда Ўзбекистоннинг барча ҳудудларидан, тиббиёт йўналишида таҳсил олиб ва ишлаб келаётган ёш талабалар, профессор-ўқитувчилар, ҳамда амалиётчи мутахассислар иштирок этишди.
Конференция якунида барча тингловчилар конференция соғлиқни сақлаш соҳасидўа жуда қизиқ ва янги маълумотларга тўла бўлганлигини таъкидлаб, ўз миннатдорчилигини ташкилотчиларга ва маърузачиларга билдиришди.
Жамғарма Матбуот хизмати